المواضيع الأخيرة

» أحلى أيام العمر
الإثنين 2 أغسطس 2010 - 0:46 من طرف armanya

» سجل دخولك بالصلاة علي النبي صلي الله عليه وسلم
الإثنين 2 أغسطس 2010 - 0:37 من طرف armanya

» اهدائى الى........
الإثنين 2 أغسطس 2010 - 0:32 من طرف armanya

» فزورة المفتش كرومبو على طريقتى أنا
الإثنين 10 أغسطس 2009 - 11:44 من طرف armanya

» ورد لاطيب عضو في المنتدي
الخميس 9 أبريل 2009 - 0:39 من طرف armanya

» دكتور مصطفى محمود
الإثنين 6 أبريل 2009 - 23:29 من طرف mahetab

» شوربة القرع العسلى اللذيذة أوووووووووى
الإثنين 6 أبريل 2009 - 23:28 من طرف mahetab

» سؤال وجواب (فتوى شرعية)
الإثنين 6 أبريل 2009 - 20:50 من طرف mahetab

» كلمتين ع الماشى 2(زجل بقلم أخويا أيمن)
الأحد 5 أبريل 2009 - 21:49 من طرف mahetab

» "حصريا برنامج mmc tools الجديد لإصلاح كروت الميمورى التالف
الإثنين 30 مارس 2009 - 11:37 من طرف A7MD

» عبر عن حالتك بأغنيه
السبت 28 مارس 2009 - 16:05 من طرف CaPtAiN 7oOdA

» يلا الحق بسرعة كيفية الاشتراك في موقع رابيدشير مجانا
الأربعاء 18 مارس 2009 - 19:53 من طرف mjjm

» i am back
الثلاثاء 17 فبراير 2009 - 0:54 من طرف mahetab

» قرد موبينيل قرر عدم الرجوع إلى مصر نهائيآ
الجمعة 13 فبراير 2009 - 17:34 من طرف mahetab

» هم و احنا
الخميس 12 فبراير 2009 - 17:13 من طرف blue sky

الساعه


    يوميات طالب نفسه يحب فى الجامعة

    شاطر
    avatar
    mahetab
    عضو ملكي
    عضو ملكي

    عدد الرسائل : 2944
    العمر : 30
    مزاجي :
    تاريخ التسجيل : 25/04/2008

    A8 يوميات طالب نفسه يحب فى الجامعة

    مُساهمة من طرف mahetab في الجمعة 29 أغسطس 2008 - 21:43

    يوميات طالب نفسه يحب فى الجامعة
    عديت العشرين بسنوات قليلة،ولسة مستنيها!ياترى اتاخرت ولا انا اللىمستعجل؟من تالتة اعدادى وانا بشوف زمايلى بيحبوا،كل واحد فيهم مظبط واحدة من مدرسة البنات اللى بينا وبينهم سور،رغم كدة كنت من القليلين اللى مش بيحبوا بنات.
    وبعد ما طلعنا ثانوى وبدأت مرحلة الاحساس بالرجولة وتبعياتها من التزويغ من المدرسة والتدخين وخلافه....بدأت القلة القليلة الللى محبوش فى اعدادى يحبوا فى ثانوى،وكل واحد من زمايلى واصحابى كان مظبط وعايش حياته،وانا زى ما انا لا خطوة قدام ولا خطوة ورا !
    طلعنا من الثانوى للجامعة وبقى كل الناس اللى مأنتمين ومظبطين بيدوروا ع الجديد فى الجامعة،والعبد لله قرر هو كمان انه يظبط فى الجامعة ويبقى شاب بجد.
    يا واد يا جامد!!
    فى اول يوم دراسة ضربت الطقم الجديد والنضارة ام عدسات زرقاء (كانت موضة وقتها) وفرقت شعرى من النص واتكلت على الله ورحت الجامعة،دخلت الكلية راسم وش التناكة لانى كنت عارف وقتها _اصل اخوكم فتك من يومه_ ان البنات بتموت فى الشاب التقيل.
    لأ.....فتك من يومك صحيح
    عدى يوم والتانى واخوكم ما عرفش اى بنت من بنات الجامعة الا واحدة كان بينه وبينها شوية نظرات فهم بعد كده انها اعجاب من البنت دى بس بعد ايه ..ما الفرصة راحت واللى كان كان.
    شوية شوية اندمجت فى الجامعة واتصاحبت على شلة كانوا كارهين تناكتى بس لما عرفونى كويس عرفوا انى من جوة واد زى الفل ،بس دخلتى عليهم هى اللى كانت غلط،دخلت فى دهاليز الشلة والجامعة اكتر وكانت لسه دماغى بتدور على واحدة تملى الفراغ العاطفى اللى جوايا وكنت بحس_بينى وبينكم_بشوية حقد ناحية زمايلى المرتبطين بس مش لانهم مرتبطين،لأ عشان انا مش عارف اعمل زيهم.
    ما عندكش اخوات بنات؟!!
    بمرور الوقت بقيت افكر فى الموضوع بشكل مختلف واحس ان اللى مخلينى مش قادر اخد الخطوة دى هو الخوف،مش الخوف ان البنت تقلبنى..لأ انا خايف لانى ليا اخت مش حابب انى اشوفها فى موقف زى ده.
    لأ... طلعت راجل بصحيح
    طبعا انا مش بتكلم على علاقة الحب المحترمة المعلونة قدام الناس واللى ف نهايتها بيعيش الاتنين فى تبات ونبات ويخلفوا صبيان وبنات_لا سمح الله_انا بتكلم عن التظبيط.
    ما انكرش انى لحد دلوقتى لسه دماغى مشغولة بفكرة الحب وقلبى لسه بيعانى من حالة الفراغ دى ،وما بقيتش عارف هل طريقة اصحابى فى البحث عن الحب صح؟ولا انتظارى انا لاميرة احلامى هو اللى صح؟
    والنبى يا اخوانة لو حد عنده بنت الحلال.. انا جاهز وعندى شقة مطرحين وصالة وعفشة مية ونجيلكم كده فى الافراح ان شاء الله
    امضاء:واحد هيموت على مايحب

      الوقت/التاريخ الآن هو الثلاثاء 21 أغسطس 2018 - 6:19