المواضيع الأخيرة

» أحلى أيام العمر
الإثنين 2 أغسطس 2010 - 0:46 من طرف armanya

» سجل دخولك بالصلاة علي النبي صلي الله عليه وسلم
الإثنين 2 أغسطس 2010 - 0:37 من طرف armanya

» اهدائى الى........
الإثنين 2 أغسطس 2010 - 0:32 من طرف armanya

» فزورة المفتش كرومبو على طريقتى أنا
الإثنين 10 أغسطس 2009 - 11:44 من طرف armanya

» ورد لاطيب عضو في المنتدي
الخميس 9 أبريل 2009 - 0:39 من طرف armanya

» دكتور مصطفى محمود
الإثنين 6 أبريل 2009 - 23:29 من طرف mahetab

» شوربة القرع العسلى اللذيذة أوووووووووى
الإثنين 6 أبريل 2009 - 23:28 من طرف mahetab

» سؤال وجواب (فتوى شرعية)
الإثنين 6 أبريل 2009 - 20:50 من طرف mahetab

» كلمتين ع الماشى 2(زجل بقلم أخويا أيمن)
الأحد 5 أبريل 2009 - 21:49 من طرف mahetab

» "حصريا برنامج mmc tools الجديد لإصلاح كروت الميمورى التالف
الإثنين 30 مارس 2009 - 11:37 من طرف A7MD

» عبر عن حالتك بأغنيه
السبت 28 مارس 2009 - 16:05 من طرف CaPtAiN 7oOdA

» يلا الحق بسرعة كيفية الاشتراك في موقع رابيدشير مجانا
الأربعاء 18 مارس 2009 - 19:53 من طرف mjjm

» i am back
الثلاثاء 17 فبراير 2009 - 0:54 من طرف mahetab

» قرد موبينيل قرر عدم الرجوع إلى مصر نهائيآ
الجمعة 13 فبراير 2009 - 17:34 من طرف mahetab

» هم و احنا
الخميس 12 فبراير 2009 - 17:13 من طرف blue sky

الساعه


    هتسقط يعنى هتسقط ياجمعاوى

    شاطر
    avatar
    mahetab
    عضو ملكي
    عضو ملكي

    عدد الرسائل : 2944
    العمر : 30
    مزاجي :
    تاريخ التسجيل : 25/04/2008

    A8 هتسقط يعنى هتسقط ياجمعاوى

    مُساهمة من طرف mahetab في الثلاثاء 14 أكتوبر 2008 - 17:45

    بسم الله الرحمن الرحيم
    اللهم صلي و سلم على سيدنا محمد
    احب اوريكوا اصعب امتحان شافه التاريخ و اتحدى اي حد لو مضحكش


    حتسقط يعني حتسقط يا جمعاوي!!

    ده أحلى يوم في حياتي..يوم الامتحان..عارفين ليه؟؟ عشان ده اليوم اللي ببخ فيه الإجابة في الورقة بعد ما قعدت أحشي المعلومات في دماغي طول أيام المذاكرة المخنقة..
    لبست هدومي..وقبل أن أخرج من باب البيت..نظرت إلى الكتاب..وقولتله: وربنا..وربنا ما حذاكرك تاني..
    ثم ذهبت إلى اللجنة مسرعاً وأنا سعيد إني خلاص حفضي دماغي من مادة كاملة-طبعاً ده إن نجحت فيها إن شاء الله- وصلت إلى مكاني في اللجنة..وبعد أن جلست وزعوا علينا ورقة الإجابة..وطبعاً زي كل الشعب..سطرت الورقة وجهزتها للفرم اللي حيحصلها..وفجأة!!!!!!
    وزعوا علينا ورقة الأسئلة..نظرت إلى الامتحان وأنا لا أصدق نفسي..يا حومتي!!!.. إيه ده يا واد يا جمعاوي .. معقول .. هو ده امتحان؟؟ .. مش ممكن!! . . ده امتحان محصلش في الأرجنتين.. -متسألوش اشمعنا الأرجنتين؟طبعاً عشان بحب ديفيد بيكهام- لقيت الورقة..عجيبة..غريبة..كالآتي:-
    ------------ --------- --------- --------- --------- --------- ---------


    الاسم:اكتب اسم الحاجة أمك :........... ..
    رقم موبيلك:........... ....
    الإيميل:........... .........
    السيبر المفضل:........... ...

    السؤال الأول:اختار من بين الأقواس الكلام الصح:
    1- حنان ترك اتحجبت يعني............ (لبست جزمة - لبست ساعة - لبست ايشرب)
    2- اللي بنى هرم خوفو............ ..(طلعت مصطفى - المقاولون العرب - مقاول عادي - خوفو)
    3- اللي بنى..بنى مصر كان في الأصل......(حلاق - نجار - تاجر مخدرات - السيد - حلواني)
    4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج..صباح الخير ............ (يا ماما - يا بابا - يا خالو - يا ريس - يا مصر)
    5 - مصر هى أمي نيلها جوا...........(بطني - رجلي - جيبي - دمي)
    6- رئيس مصر القادم السيد......(جمال مبارك - جمال مبارك - جمال مبارك - كل ما سبق)

    السؤال الثاني:أكمل الجمل الآتية بكلام م الآخر:
    1- انتبه من فضلك السيارة ترجع إلى............ ......... ...
    2- ماما زمنها............ .......
    3- من خلال تجاربك السابقة...البامبرز استيك منه............ .
    4- طلعت أدّب نزلت أدّب لقيت الدب بيأزز............
    5- اسم والد اللاعب وائل جمعة الحاج............ ..

    السؤال الثالث:ضع علامة Nike أو علامة غلط أمام الكلام الجاي:
    1- بابا فين؟؟ ..بابا هنا..قوله مين؟؟ قوله عمو ( )
    2- الشرطة دائما في خدمة الشعب ( )
    3- اللي بيته من سيراميك ميحدفش الناس بالبلاط ( )
    4- شاي الجوهرة حتة سكرة ( )
    5- يحكم مصر النظام الملكي ( ) "ملحوظة:لو معرفتش سؤال ابقى طلع المنفستو اللي معاك يا جمعاوي..غش براحتك..كده كده حتسقط يا جمعاوي عشان تحرم تقول لكتاب المادة بتاعتي كده ..ماشي يا جمعاوي!!!!"
    ------- --------- --------- --------- --------- --------- --------- ---------

    قريت الورقة وأنا في اسبهلال تام..ف ركت عيني مرة وأتنين..والورقة زي ما هيا. .قريت الملحوظة اللي في آخر الورقة تاني.. وتالت ..وأنا مش مصدق إن الدكتور كاتبلي ..ماشي يا جمعاوي..ماشي يا جمعاوي
    -جمعاااااااااااااااوي..أنت يا وااااااااااد يا جمعاااااااااااوي قوم بقى..عشان تروح الامتحان
    -استيقظت من نومي..ثم نظرت حولي..إيه ده أنا لسه في البيت مرحتش اللجنة.. الحمد لله كنت بحلم..ووجدت الكتاب جنبي ع السرير..فأخذته في حضني وقولتله... يا لهوي يا كتاب ..بحبك يا كتاب.. بموت فيك يا كتاب.. بعشقك يا كتاب .. مقدرش أعيش من غيرك يا كتاب ..هو أنا ليا بركة ألا انت يا كتاب
    avatar
    sadbird
    عضو ملكي
    عضو ملكي

    عدد الرسائل : 725
    العمر : 28
    مزاجي :
    تاريخ التسجيل : 10/05/2008

    A8 رد: هتسقط يعنى هتسقط ياجمعاوى

    مُساهمة من طرف sadbird في الثلاثاء 14 أكتوبر 2008 - 17:53

    ههههههههههههه

    هو حد طايل امتحان زى ده ياماهى

    هههههههههههههه

    ابقي تعالى شوفي امتحانتنا
    avatar
    mahetab
    عضو ملكي
    عضو ملكي

    عدد الرسائل : 2944
    العمر : 30
    مزاجي :
    تاريخ التسجيل : 25/04/2008

    A8 رد: هتسقط يعنى هتسقط ياجمعاوى

    مُساهمة من طرف mahetab في الثلاثاء 14 أكتوبر 2008 - 18:46

    هههههههههههههههههههه
    نفسك إنت يادوك أحمد فى إمتحان زى ده
    نورت يادوك
    avatar
    sadbird
    عضو ملكي
    عضو ملكي

    عدد الرسائل : 725
    العمر : 28
    مزاجي :
    تاريخ التسجيل : 10/05/2008

    A8 رد: هتسقط يعنى هتسقط ياجمعاوى

    مُساهمة من طرف sadbird في الثلاثاء 14 أكتوبر 2008 - 19:54

    اه والله امتحان سهل

    من غير مزاكره ولا وجع دماغ

    هههههههههه
    avatar
    mahetab
    عضو ملكي
    عضو ملكي

    عدد الرسائل : 2944
    العمر : 30
    مزاجي :
    تاريخ التسجيل : 25/04/2008

    A8 رد: هتسقط يعنى هتسقط ياجمعاوى

    مُساهمة من طرف mahetab في الثلاثاء 14 أكتوبر 2008 - 22:04

    يارب يجيبوا لكم إمتحانات سهلة ياااارب

      الوقت/التاريخ الآن هو الثلاثاء 21 أغسطس 2018 - 6:20