الضحيه الرابعه لكرسي الاعتراف mazen

M@HoRa™ كتب:

الاول طبعا بطاقتك الشخصيه
الاسم مازن الهادي
السن 18 الا شوية
اعدادي صيدلة
وياريت لو تسحبها اسكانر وتجيبهالي يعني علشان اراجع
ههههههههههههههههههلا مش مهم
اذا كان معاك بطاقه اصلا ومكنتش ماشي بالرخص


سـ : عاجبك تقعد على كرسي الاعتراف ؟؟
مش مهم تعرف على فكرة
هههههههههههههههههه
سـ : لونك ـ حرفك ـ رقمك ـ مشروبك ـ اكلتك ـ مهنه ـ المفضله عندك ؟؟؟
اللون الاحمر
حرف الميم
2
عصير الفراولة
ورق العنب
صيدلي
سـ : حكمتك في الحياه ؟؟؟
دوام الحال من المحال
سـ : رأيك في نادي برشلونه حبيبتي ؟؟؟
كفاااااااااااااااااءة
سـ : ايه هو حلمك ؟؟؟
اني اتخرج ان شاء الله
سـ : العضو المفضل عندك في المنتدى ؟؟؟
كتيييييييييييير بس ممكن ماهيتاب
سـ : ايه لعبتك المفضله في البلاي ستيشن ؟؟؟
برو فوليوشن
سـ : لو انت في موقف صعب مين تختار يقف معاك ويساعدك ؟؟
اخويا الكبير
سـ : ايه اسم شوكلاتك المفضله ؟؟؟
كادبوري
سـ : قول موقف ظريف حصل معاك ؟؟؟
هههههههههههههههههه
لما اطردت من سيكشن النبات بسبب الواد العراقي
قعدنا في السيكشن مهيسين و قاعدين نضحك و المعيدة شافتنا واطردنا
و كل كا افتكر التهييس اقعد اضحك
سـ : ماتش شوفته ومش هتنساه طول حياتك ؟؟؟
ماتش تركيا والتشيك في اليورو
عشان تركيا جابت 3 اجوان في اخر 12 دقيقة
وكسبت 3-2
سـ : كلمه مامتك دايماً بتقولهالك ؟؟؟
قوم يا بني زاكر وشوف مصلحتك
سـ : الماده اللي انت بتحب تذاكرها وبتعجبك ؟؟
الفيزيا
سـ : اوصف شعورك دلوقتي ؟؟؟
مش مهم تعرف يا مهوووووووره ههههههههههه
سـ : بلد نفسك تزورها ؟؟؟
باريس
سـ : شخصيه مشهوره بتعجبك و هي قدوتك ؟؟؟
انا بحب ابو تريكة

سـ : ناديك المفضل في الدوري : الانجليزي .. الاسباني .. الايطالي ؟؟؟
مانشستر يونايتد برشلونة ا س ميلان
سـ : منتخبك المفضل في : آسيا .. افريقيا غير مصر .. اوروبا .. امريكا الجنوبيه ؟؟؟؟
العراق كوت ديفوار اسبانيا الارجنتين

سـ : كنت بتعمل ايه قبل ما تقعد عالنت دلوقتي ؟؟
كنت بكلم واحد صاحبي في التليفون
سـ : اغنيتك المفضله للمغني : عمرو دياب . شرين احمد . ايهاب توفيق . نانسي .
اليسا . محمد فؤاد . تامر حسني .؟؟؟؟
عمرو دياب نقول ايه

مين شيرين احمد دي اساسا
نانسي معجبة مغرمة
اليسا ايامي بيك
تامر حسني بيضة
و مبسمعش محمد فؤاد و ايهاب توفيق
سـ : اخر مره عيطت امتى ؟؟؟
يوم وفاة جدتي
سـ : بتحب الاطفال ؟؟؟
لا
سـ : كنت طفل هادي ولا شقي ؟؟؟
شقي جدااااااااااااا
سـ : مين تتوقع بطل الدوري الاسباني ؟؟؟ و الانجليزي ؟؟؟
ريال مدريد مانيونايتد
سـ : قول بتمثلك ايه الالوان دي :
الاحمر . الابيض . البنفسجي . الاسود . البمبي . الاخضر . الازرق . البني .
الاحمر الثقة بالنفس
الابيض الهدوء
البنفسجي الازعاج
الاسود السلطة
البمبي الرقة
الاخضر العمار
الازرق الراحة
البني الكلاسيكية
سـ : قناتك المفضله ؟؟؟
الجزيرة الرياضية
اية مفهوم الحاجات دى فى حياتك
الدمعة
متنزلش الا على اللي يستاهل
الحزن
رائع بس لو كان حقيقي
الالم
صعب خصوصا لو كنت انا السبب فيه
النسيان
نعمة
الغروب الليل
الرومانسية
الشروق
قدرة الله
الطفولة
ايام زمان الجميلة
الخيانة
مقززة
التضحية
رااااااااائغة لو في سبيل من يستحق
الموت
علينا حق
الصداقة
مقدرش اعيش من غيرها
الفراق
مؤلم
الرحمة
هي الحياة
الظلم القسوة
وجهان لعملة واحدة
الحياة
هي الرحمة

الا قولي يا عم مازن

عاوزك تشرحلي جمال التعبير في الجمله الي قالها الفنان تامر شعر الصدر حسين

احلي ما في حبي ليكي انه اتاخد قفش

اشرحلي الجمله دي مع بيان التشبيهات وروائع الكلمات

يا عم مهوره تامر حسني ده واد بيضة اساسا
و الجملة فيها تورية فقفش بعني انه مش طايقها اساسا
وعاوز يسيبها ويروح يتفرج على شعر صدره قدام المراية
هههههههههههههههههههههه


1 -ايه رايك في الماركسيه والراسماليه والشيوعيه ( انا اساسا ماعرفش التلاته )

اكيد طعمهم حلو مع السلاطه

بس انت لازم تجاوبلي عليهم اتصرف

يا عم انا طول عمري اساسا قلبا و قالبا مع الامبريالية التفتحية المهلبية الغوغائية الشعبية
وسمعني احلى سلام الواد شكله هرطيق


عاوز اسم المهندس الي كان ماسب بناء الهرم الصغير ؟؟؟
امنحتب ددي وا
انت تعرف اني انا الي عبيت الهوا في ازايز؟؟ وانا الي اخترعت الانترنت؟؟

لو كنت تعرف مين الي قالك؟؟
منا كنت قاعد معاك وانت بتعبيه ههههههههههههههه


رايك في المنتدي؟
جميل
والاعضاء
جاااااااااااااامدين

وكلمه لكل من


انا
انت مهيييييييييب الركن
مي
بحب مواضيعها و هي اساسا بتحب الجزر هههههه
مني
بحب الكلام معاها دمها خفيف جدا
ترايلس
اوس اوس ده حبيبي يا جدعااااااااااااااااااااان


ماهيتاب
لاااااااااااااا ماهيتاب الصل والباقي صنع في مصر
كاكا ماسا جولدن كنج دوم
اصحابي وحبايبي

خلود
ههههههههههههه كانت هتقلبني فرخة كوكو





المفتري
مش مهم تعرف على فكرة

الاهبل
انا
الرخم
مفيش
دم خفيف ابو
مني و ماهيتاب


العسول
كتييييييييييير
مع نفسه في التراوة
مهوره
سايب فراغ
جولدن كينج دوم

اكتر موضوع عجبك ايه وبتاع مين؟؟
موضوع العراقي بتاع الحكمة الانجليزية

وانت بتجاوب على اسئلتي عاوز تقولي حاجة؟؟

حسبي الله ونعم الوكيل

بس مش معناته انى مش هسالك لا
شعارنا مترحمش علشان محدش هيرحمك

كما قال الادمن

dr.mai كتب:احممممم منووووووووووور جاوبلى دول بقى
ههههههههههههههه ده نوووووورك
1 ) ماذا تعني لك الكلمات الآتية .... العاطفة .... الرحمة ..... العقلانية .. موضح إجاباتك
العاطفة لما تبقى نابعة من القلب و حقيقية بتبقى شيء راائع
الرحمة هي الحياة
العقلانية هي ............شيء مش انا اللي اتسأل عليه هههههههههههه

2) عندك كام صديق ممكن تثق فيه جدا لكي تطلعه على أسرارك.
امممممممممم مش كتير قوي بس انا مليش اسرار يعني
3) إيه أكتر موقف محرج حدث ليك في الجامعه.
يوم لما اطردت من محاضرة اللغة
هههههههههههههههه قدام الدفعة كلها و كنت عاوز الأرض تتشق وتبلعني و باب المدرج كمان مكانش راضي يتفتح
4) مين من الكتاب بتحب تقرأ ليه ،إذا كنت من هواة الأدب.
يعني انا بحب احمد خالد توفيق و يوسف ادريس ساعات
5) إيه أفضل بلد تحب تعيش فيها في جمهورية مصر العربية .
المنصورة ثم اليكس


بإمكانك حذف إجابتين أو الإستعانة بصديق

إتصل على 0000 0000 وتأكد إن محدش هايعبرك
هههههههههههههههههههههههههه ماشي يامي

ومستني اعملو اخركووووووووووو
هههههههههههههههههههه

dr.mai كتب:عدناااااااااا بعد الفاصل
ويلكووووووم
ايه اكتر موقف ندالع اتعرضت له؟
اممممممممم يعني مش فاكر بس متيألي مفيش
طب ايه اكتر موقف شهامه عمله معاك حد من اصحابك؟
لاء دي كتيييييييييييييييييير
اكتر حاجه بتثير غضبك وتخليك تخرج عن شعورك؟
الخيانة بانواعها
من هو الانسان الذى كان له اثرا فى تغيير مشوار حياتك؟
امي
مرتاح فى الكليه ؟ كنت عايز صيد له ولا حاجه تانيه؟
حاليا انا بحب صيدلة جداااااااا بس قبل كده كان نفسي الحق طب بس الحمد لله
عرف نفسك فى اقل من خمس كلمات
مازن لحوووووح و خنيق ساعات بس مرح
من هو مثلك الاعلى؟
ابي
ايه هى طموحاتك واحلامك؟
حاجات كتير بس مبدئيا نفسي اتخرج ان شاء الله و اسافر اشتغل برة
لو تركك الأدمين نائبه بدل منه على المنتدى لمدة شهر لسفره الضرورى .؟
ما هى اول خمس قرارات تقوم بهم . طبعا غير طردى من المنتدى؟
ههههههههههههههههه
طرد العراقي و كاكا و جولدن كينج دوم و باقي الاعضاء وتدمير المنتدى ههههههههههههه

لما تكون مدايق..بتعمل ايه؟؟؟ومين اول شخص بتلجأ له؟؟
لما اكون مضايق بتنفس بهدوء وببعد تفكيري عن الموضوع اللي مضايقني
وفي الغالب بحكي الموضوع لأخويا او لواحد من اصحابي
بتحكم على الناس ازاى.؟؟وبعد اد ايه؟؟؟
من تصرفتهم بس طبعا لازم اتعامل معاهم
العمر لا يقاس بالثوانى والدقائق والأيام والشهور والسنين .
بماذا تقيس عمرك؟
بالعداد( ههههههههه انا اسف يا مي بس بجد مش فاهم السؤال)
أنا أفكر إذن أنا موجود .
ما مدى صحة هذه العبارة فى رأيك ؟
دي عبارة تمام
متيألي ده جان جاك روسو بس هي عبارة جامدة فعلا
أنا لا أشكو وفى الشكوى انحناء .. وأنا نبض عروقى كبرياء .
ممن تشكي ؟ لمن ؟ ولما الكبرياء؟
لا بيت الشعر بصراحة جااااااااااامد
اشكي لاخويا من اي حد عملي حاجة
الكبرياء هي الكرامة من غيرها مفيش انسان
نعم لى أخطاء كثيرة مثل كل الشباب .. لكن هذا الخطأ لا يمكن أن أنساه لأنه جلب لى مشاكل عديدة ..
ما هو الخطأ ولما ارتكبته ؟
اني كذبت كذبة في يوم من الايام و سبتتلي مشاكل كتير بس خلاص الحمد لله عدت و ربنا ستر وقررت اني مش هكذب تاني

ماذا تعنى لك جزراية المنتدى
ههههههههههههههههههههههههههههههه
مش مهم تعرفي بقى يا مي على فكرة

وكفايه كده دلوقتى ولنا عوده


سلام مؤقت هههههههههههههههه

mahetab كتب:السلام عليكم ورحمة الله وبركاته
مازن يامازن
منور بجد والله
بس متغاظة أنا من ماهورة
إزاى يقول عليك ضحية
معلهش يامازن
أنا وياك وهدافع عنك
ولا يهمك من ماهر
وإنساه خاااااالص
ومتجاوبش على أى سؤال من أسئلته الصعبة دى
ولو إنى عايزة أعرف إجاباتها منك بجد
بس اللى هيزعلك أنا مش هرجمه
وعايزة بقى أشكر ماهر برضهعلى حسن وكرم الضيافة ودى حاجة مش جديدة عليه لزوم التعذيب يعنى
ههههههههههههههههههههههه
بيروقك يامازن
بص إدعى على ماهر فى صلاة الجمعة متنساش
وإدعيلى أنا بقى
ههههههههههههههههههههه
مازونتى
ههههههههههههههههههههههههههههه منوورة يا ماهي
هسألك شوية أسئلة كدة بسيطة من نفسى يعنى
ماهو الشىء اللى نفسك تعمله ألوقتى حالآ بعد ماشفت وقريت أسئلة ماهر ومى؟
ارتكاب جريمة قتل ههههههههه
مين أكتر واحد بتكلمه على النت ولماذا ؟
العراقي عشان واد عسل و قاريين بعض صح
إنت قلت لى إن كان نفسك تدخل كلية الطب ممكن أعرف ليه ؟ يعنى حبآ فيها ولا كان نفسك تطلع دكتور عشان تكسب فلوس كتير ولا إيه بالظبط؟
انا بصراحة كنت نفسي احقق حلم ابي اني يعني اساعد الغلابة وكده
بس الحمد لله شكلي كنت هدبس في طب
صيدلة حلوة الحمد لله
ليه بتضحك كتير يامازون؟
ههههههههههههههههههههه
مش عارف والله بس انا بضحك في الحقيقة كتير برضه مش عارف ليه
ربنا يبسطك على طول يارب بس كنت عايزة أعرف هل الضحك ده له قصة فى حياتك ولا جاى لوحده كدة حسب المواقف
لا مالوش قصة بس انا من وانا صغير يعني بضحك و كده
لو زعلت فى يوم منى أنا ماهيتاب ياترى هتعمل معايا إيه؟
هههههههههههه هو انا اقدر اعمل حاجة مع ماهي
هل هتقاطعنى ولا إيه بالظبط؟
اكيد لاء لأن ان شاء الله مش هنزعل من بعض في اي حاجة
وأتمنى إن اليوم ده ميجيش عمره أبدآ يارب
بص إحنا لازم نتبخر يامازن
ههههههههههههههههههههههههه
هههههههههههههههههه ماشي
هل أنت مواظب على قراءة القرآن الكريم وبتحب تسمع مين من شيوخنا الأفاضل وليه؟
انا بقرأ قران بس يوم الجمعة غالبا و بحب اسمع الشخ احمد بن على العجمي عشان صوته جميل جدا
ياترى بتعمل إيه مع أختك الصغيرة؟ يعنى جامد معاها وبتزعق فيها ولا حنين وياها
لا دي بتحبني عشان انا حنين معاها اخويا ميسرة هو اللي شديد معاها شوية حبتين
أكتر واحد بتسمع كلامه ماما ولا بابا ولا مكبر الجمجمة معاهم؟
لا امي بالذات بخاف على زعلها جدا
علاقتك بأخوك الكبير شكلها إيه؟
توأم روحي الحمد لله
لو أخوك قعد ع النت كتير وإنت هتموت عشان تقعد وعايز تعمل حاجة مهمة وهو مش عايز يقوم هتتصرف معاه إزاى؟
ههههههههههههههههه مش عارف بس ممكن نلعب دور ريست على اللي يقعد او نعمل كولو بمية ههههههههههه
هل أنت حكيم وصبور أم متسرع؟
للأسف متسرع جدااااااااااااااااا
مازن أموت وأعرف إيه حكاية شارع الترعة ده؟ ههههههههههههههههههههههههههه
ولا أقولك خليها بينى وبينك وبلاش تسييح
إوع تكون زعلت بهزر وياك يامازن
ههههههههههههههههههههههههههههههههههههههههههه
هزعل من ايه ههههههههههههه دي قصة تهيسيية
شخص معجب بيه جدآ وبأفكاره ياترى هو مين ؟
مفيش حد معين
لو فرض وبقيت عضو هام فى مجلس الشعب أو الشورى ماهى قراراتك وأحلامك التى تود تحقيقها من خلال هذا المنصب؟
ان شاء الله اي حاجة تحقق مصلحة الشعب عشان دي مسؤلية كبيرة
لو يوم خرجت ونسيت تاخد محفظتك وياك وكان ماما وبابا وإخواتك مسافرين هتتصل بمين عشان تستلف منه؟
من خالتي
وكفاية عليك دول ألوقتى وهفكر لك فى أسئلة تانية
وأشوفك على خير يامازن
ولو حد ضايقك بس قولى عليه وأنا أنسفه
هههههههههههههه
سلام يامازونتى

mahetab كتب:مازن
خد دول كمان بالمرة
اووووووووك
بتحب عصير الموز يامازن؟
اكيييييييييييييد
ماهى أكلتك المفضلة فى الرحلات ؟
اي حاجة انا مش بيفرق معايا الاكل في الرحلات
هل تحب تربية الحيوانات والطيور وماذا تفضل منهم؟
و الله بصراحة طول عمري كان نفسي اربي قرد صغير مش عارف بس دي حقيقة
هل تحب رياضة المشى ومع مين تحب تتمشى يعنى وليه هو بالذات؟
جدااااااااااااااااا مع اصحااااااااابي
أكتر صفة بتكرهها فى نفسك وليه؟
القعدة قدام الجهاز كتير عشان متعبة جداااااااا
لو حد رخم عليك فى موضوع وعايز تهرب منه تعمل إيه؟
هتوه عن الموضوع و هقلبها هزار
لو قابلت راجل مجنون فى الشارع ولقيته جاى عليك هتعمل إيه؟
هتجرى منه وتصوت
هتشتمه
هتضربه
هتستنجد بحد من اللى ماشيين فى الشارع
هههههههههههههههههههههههههه
اعتقد لو مد ايده هتخانق معاه وكده كده الناس هتصفي ربنا يعافينا بقى
هل أنت بتعرف تعوم يامازن؟
لاء
هل لديك فراسة فى قراءة أفكار الغير ؟
يعني مش قوي
أيهما تفضل العمل الحكومى أم العمل الخاص ولماذا؟
العمل الخاض ابو فلوس
وهقابلك مرة تانية
كفاية دول يامازن
الرحمة حلوة برضه
سلام يادوك
وإوعى متجاوبش على أسئلتى

M.A.S.A كتب:شكلك هتتقطع يا مازن
ربنا معاك

بص انا بقى هسألك شويه أسئله
بس بشرط عايزين نشوف ضحكتك الحلوه على طول
هههههههههههههههههههه ماشي يا حبي
نبدأ يلا

عمرها حصلتلك دى تبقى لسه شايف حد وانت لسه ماتعرفوش
بس نفسك تجرى عليه تحضنه وتنام فى عنيه وانت لسه ماتعرفوش؟
اه
هل توافق على مقولة ما محبة الا بعد عداوة؟
ساعات و ساعات
وهل الانسان بمقدوره أن يغفر الإساءة؟
المسامح كريم


لماذا لايتخلى الكثيرون عن حب الأنا ؟
انا عن نفسي وانا صغير كنت اناني جدا
بس لما كبرت بدأت الصفة تقل فيا هي بتبقى بس غلط في التفكير

هل بإمكان إنسان ان يعترف بخطئه وهو يشعر
بالقوة والفخر والنصر؟؟؟؟؟؟؟؟؟؟؟؟؟؟؟
الموضوع ده محتاج شجاعة ادبية عالية
ماهو الأسم الذي تحب ان تنادى به؟
مازون او ميزو
ماهي اجمل مرحلة عمر مررت بها حتى الآن؟
المرحلة الجامعية المتمثلة في اعدادي صيدلة
ماهو الشئ الذي قمت بعمله وسعدت كثيرااا بإنجازه؟
يوم لما بختم لعبة طويلة وصعبة هههههههههها
ماهي اصعب لحظه مررت بها واحسست ان الدنيا اخذت منك شئ لا تستطيع ان تتصور افتقادك له؟
يوم وفاة جدتي و خالي
هل دخل الخوف قلبك عندما احببت بانك قد تخسر من تحب والى الأبد؟ولماذا؟
اه اكيد
لأنه من احب و من دق له القلب
عندما قررت ان تسجل بمنتدى
هل سجلت لكي تتعرف على اصدقاء؟ اذا تعرفت فمن هم اصدقائك بالمنتدى ؟ وهل رحل احدا منهم عن المنتدى ؟
اه
كتير انا اتعرفت على ماهيتاب و منى و مي و بسمة و روشاس و بنوتة و غيرهم كتير و ماسا و يا ريت منساش حد و ساد بيرد و ناس كتير و اللي نسيته كمان انا مش فاكر كله
هل تشعر انك وحيد ولايوجد من يفهمك بالحياه؟
لاء خالص
كم ملره حبيت بجد فى حياتك؟
مره واحدة بس

اذكر جمله تحب ان تهديها
ولمن تهديها؟
ربنا يخليكي
لامي
معلش يا مازونتى طولت عليك جاوب بقى

banota rewsha كتب:

ربنا معاااااااك يا مازن دة انت مطحوووون ع الاخر

وانا جايلك بقى بكام سؤال كدة متقلقشى يعنى

ههههههههههههههه خود نفس عميق كدة ههههههه
ههههههههههههههههه ماشي يا بنوتة ليكي يوم

1) كلمة اتقالتلك من حد ومش قادر تنساها واثرت فيك ؟ ان كانت اسعدتك او جرحتك ؟
كلام ابي ليا ايام ثانوي كان دايما بيشجعني بيه لقدام
2) حد قبل كدة قالك فى وشط انت اناااااااااانى ؟
ياااااااااه كتير زمان انا فاكر اني كنت اناني جدا
3) كلمة لما سمعتها طيرتك من الفرحة ؟ ( حلوة طيرتك دى ههههههههههههه )
هههههههههه اه حلووووووة
اما ابي قالي انت طلعت الاول على اولى اعدادي
4) الحب فيه كرامة ولا لا ولييييييييييييييييه ؟
اي شيء في الدنيا فيه كرامة
ربما بنضطر ساعات نقدم تنازلات عشان الناس اللي بنحبهم
بس اهم شيء في الانسان كرامته
5) اكتر قسم هنا بتحبه اوووووووووى ؟
هيس معانا
6) لو جالك اشراف على اى قسم هتقبل ولا هترفض ولييييييييه ؟
هقبل لو مفيش غيري
غير كده انا في الغالب مش قد تحمل المسئولية
7) اييييييييه رايك فى التعليم فى الوقت الحالى ؟
فاااااااااااااااااااااشل
اغنية بتحس ان كلماتها بتفكرك بموقف حصل معاك او ذكرى ليييييييك ؟
i wish i was your lover
enrique iglesias
9) لو عملت حاجاة غلط بتعترف ولا مش بترضى تعترف وممكن تقول فى نفسك انك مش هتعمل كدة تانى

بس مش تقول انك غولطان ؟
الاعتراف بالغلط ده بيحتاج شجاعة ادبية كبيرة
بس انا بعتذر لأي حد انا غلطت معاه على طول
عشان مبحبش حد يبقى زعلان مني
10) حد مسح دمعتك قبل كدة ؟
اكيد امي زمان و انا صغير بس حاليا مفيش
11) لو شوفت موقف مؤثر قدامك ممكن تبكى ولا عادى مش بياثر معاك ؟
حسب الموقف بس انا دمعتي مش قريبة
12) ايه هيا نقطة ضعفك ؟
في نقط ضعف بس مش قادر احدد واحدة معينة
13) عضو شايف ان الاسم بتاعه غريب فى المنتدى ؟
مفييش يعني الاسماء عادية
14) لو حد كان قريب منك جداااااا ومرة واحدة مبقاش يسال واختفى خاااالص هتسال عليه ولا هتقول هو مسالشى مش هتسال انت ؟

لاء اكيد هسأل
15) نفسك فى ايييييييييييه دوقتى ؟
نفسي في حاجات كتير بس اولها اني اقوم اشرب مية من التلاجة
16) قولت انك نفسك تسافر فى الصين اشمعنى ؟
انا قلت نفسي اسافر الصين؟؟؟؟؟
ما علينا يمكن عشان اكتب اسمي على سور الصين العظيم ههههههههههههه
17) يوم ما تتجوز ان شاء الله هههههههههههههه هتكون لسة على علاقة باميلك والمنتدى ولا هتهجرهم
هههههههههههههههه في حياتك ان شاء الله و انتي معزومة طبعا
اكيد يعني ان شاء الله مش بعيد اجيبهالكو هي كمان ههههههههههههه
18) طب لما تشتغل ان شاء الله ولو سافرت هيبقى بردو موقفك ايه من المنتدى ؟
هروح اقعد في سيبر
هقعد و خلااااااااص
19) اييييييييه اكتر حاجة ممكن تخليك تببكى جداااااااااا ؟
اني حد بحبه اعرف اني معتش هشوفه تاني
20) عمرك دعيت على حد قبل كدة هههههههههههه واستجابت ولا نو ؟
ههههههههههه لاء مجربتش بصراحة الموضوع ده

22) عاكست بنات قبل كدة ولا متخفشى مش هقول لحد ههههههههههههههه ؟
هههههههههههههههههههه
بصراحة مرة في تانية ثانوي و ندمت ندم شديد لأن ربنا عاقبني بطريقة لا يتخيلها احد
هههههههههههه بطريقة الهية مبتحصلش في الافلام و من يومها قررت اني حد الله ما بيني و ما بين الزفت المعاكسات والهبل ده
23) بتعرف تسوق ولا نو ولا هتعمل حوادث وهنلاقى الناس انقرضت ههههههههه ؟
هههههههههههههههه حلوووووووة الناس انقرضت دي
بس انا مش بعرف اسوق عربيات
انما بسوق عجل
24) انت شايف الحياه ازاى يعنى حاسس بتفائل كدة ولا حاسس بتشاؤم من اللى بتسعمه كل يوم ؟
لاء انا دايما متفائل
و عندي امل كبير في ربنا
25) من النوع اللى بيتابع اخبار وكدة ولا ملكشى فيها ؟
الخبار هي هياها مش فارقة بس انا بزهق من متابعة الاخبار
احلى مصيف قضيته ؟ وبتقضيه مع مين عامة مع صوحابك ولا اهلك ؟
لاء احلى مصيف قضيته كان مع اصحابي اكيد
27) بنسبالك المصيف بيبقى احلى لما تبقى مع صوحايك ولا اهلك ؟
اصحابي
28) علاقتك باهلك قوية ؟ وبتقعد معاهم وكدة ولا مش بيشفوك غير قليل ؟
اه الحمد لله
29) ايه اكتر مكان بتحب تخرج فيه وترووووووحه ؟
اني اخرج اتمشى كده وخلاص بس مع اصحابي
و انا بحب الكلية جدا
30) بترووووح كافيهات كتيييييير ؟

لاء خالص
يالا كفاية علييييييييييك كدة وربنا يتولاك بقى وشد حيلك يابنى هههههههه

bsm كتب:سلام عليكم
اذيك يادوك
واخبار كرسى الاعدام قصدى الاعتراف معاك
يارب تكون كدة واخد راحتك

مى ومهورة قاموا بالمطلوب وزيادة كماااااااااان
ملكشى حجة خالص
مش حارمينك من حاجة خالص

بس مش معناته انى مش هسالك لا
شعارنا مترحمش علشان محدش هيرحمك

كما قال الادمن

ههههههههههههههههههههه ماشي يا بسمة


نبتدى بقى
بسم الله
ياللا


س:مين اكتر حد بتتخنق منه سواء قريبك او حد من زمايلك فى الكليةاو حتى هنا فى المنتدى؟
في المنتدى مفيش بس في الكلية في حبة عيال بيض بتخنق منهم
س:مين اكتر حد زعلت على فراقه؟
لاء دي ممكن احتفظ بيها لنفسي
س: هل انت بتحب تدقق على كل رد وكل كلمة واى تصرف من اى حد؟
لاء عادي
س: هل انت معقد ؟
ههههههههههههههه لاء الحمد لله
س:بتحب تقضى الاجازة ازاى مع صحابك ولا مع اخواتك ولا مش مع حد ؟
لاء مع اصحابي واخواتي
س: ماهو ناديك المصرى المفضل؟ وهل انت متعصب؟
الاهلي
لاء انا بتفرج من اجل المتعة مش اكتر
س:هل انت ندل(سورى) هل استندلت مع اصحابك؟
لاء ما اعتقدش اني استندلت قبل كده مع حد
و بعدين دي بقى يتسألأ فيها اصحابي
س:انحرجت قبل كدة فى المحاضرات من قبل الدكاترة؟
اه لما اطردت من محاضرة اللغة
س:اذكر موقف محرج جدا احمر فيه وجهك مع زميلة ؟مش شرط زميلة؟
انا المشكلة اني وشي بيحمر بسهولة ههههههه
فممكن تلاقي مواقف عادي يعني
س:ايه حلم عمرك؟
س: رايك فى الامتحانات بتاع الترم التانى؟
حلم عمري اني اسافر بره و استقر
ههههههههههه مش مهم تعرفي يا بسمة على فكرة الله يسامحهم بقى


س: رايك فى حال بلدنا (مصر الحبيبة)؟
انا بحب مصر البلد جداااااااااااا
بس مش بحب مصر الادارة و الحكومة
س: رايك ايه فى المهزلة بتاع الثانوية العامة؟
منتي بتقولي اهو مهزلة
احفظ و خش رص

س: ايه اللى مخليك بتحب ابوتريكة اوى كدة مع العلم احنا بنحبه بردة؟ وايه رايك فى موقفه من المطربة نانسى عجرم؟
لأنه بيجمع بين المهارة و الاخلاق العالية
ومعرفش بصراحة ايه موقفه من نانسي
س:قبل كاس امم افريقيا 2008 كنت تعتقد ان مصر كان ممكن تاخدها؟
بصراحة لاء
س: تتوقع ايه اللى هيحصل مع منتخبنا فى تصفيات كاس العالم 2010؟ تتوقع انه ممكن يحقق حاجة؟
هو الاداء مش قد كده و انا مش متفائل ربنا يسهل
س: تتوقع مين اللى هيكسب فى الماتش كاس افريقيا؟ الاهلى ولا الزمالك؟
اتمنى يبقى ماتش حلو و ان الاهلي يكسب

س: هل تؤيد الزواج التقليدى بمعنى الوالدة تقولك على عروسة وحضرتك تقول كويسة وخلاص خلص الموضوع؟
لا طبعا هو سلق بيض
س: مين العضو اللى لما يغيب بيبقى نفسك تطمن عليه؟
كل الاعضاء تقريبا

كفاية دول حالا
على مافوق بقى
ونرجع تاااااااااااااااانى ان شاء الله

mahetab كتب:صباح الخير والسعادة على مازن السكر زيادة
ههههههههههههههههههه
معلهش أصلى لسة صاحية من النوم وبفكر أشرب لى فنجان قهوة سكر زيادة
أنا جاية أسألك شوية أسئلة جديدة يامازن
وبشكرك عشان جاوبتنى على الأسئلة اللى فاتت بسرعة
شوف يامازن
إنت مستريح بس على الكرسى ولا تحب نغيره
أنا عن نفسى منظر الكرسى ده قالقنى بجد
ههههههههههههههههههههههه
شكله مش مريح بالمرة
وقبل أى سؤال
تحب تشرب إيه سعادتك
يعنى عصير موز جوافة برتقال مانجو
كله موجود فى الديب فريزر عند ماهورة بس إنت أشر بس وأحلامك أوامر ياباشا
خلينا بقى فى الأسئلة
هههههههههههههههههههههه ماشي يا ماهي
مازن ياترى لو عاد بك الزمن إلى الوراء كان إيه اللى ممكن تحب تغيره فى حياتك؟
مفيش حاجة معينة
هل أنت ديموقراطى يامازن فى تعاملاتك مع الآخرين؟
اعتقد اه مش ديكتاتوري يعني
لمن تقول هذه الكلمات ولماذا؟
والله واحشنى
ممكن احتفظ بدي لنفسي
متضايق منك
مفيش حد
آسف على اللى حصل منى
برضه مفيش
توبة والله توبة
ممكن لأي حد انا زعلته
شكلك زعلان منى
برضه اي حد انا حسيت اني مزعله
مقدرش أستغنى عنك أبدآ
لأمي
روح منك لله
دكتور الكيميا العضوية ههههههههههههه
لو بس أطولك ألوقتى
العراقي ( عشان نرخم على بعض)
مش عايز أشوف وشك تانى
مفيش حد
حرام عليك
ياظالمنى
برضه مفيش حد معين
مش ناوى تجيبها البر معايا ولا إيه
ممكن الواد اخويا لما نتراخم على بعض
لا إنسى
لما حد يطلب مني طلب رخم
شوف لك حد غيرى تلعب عليه اللعبة دى
اي حد بيشتغلني
إطلع منها وهى تعمر
ههههههههههههههه لاء مفيش حد
أعلى مافى خيلك إركبه(أنا بفكرك بس بلعبة الأمثال الشعبية) ههههههههههههههههههههههه
ههههههههههههههههههه ياه ده انا ملعبتهاش من زمان
مازن كم كوبآ من الشاى والقهوة تشرب يوميآ؟
انا مش كييف قوي بس يوم لما بشرب هتبقى كوباية
لو إتعرضت عليك سيجارة من واحد وقالك خد جرب ياترى
هتسمع كلامه وتجربها ولا هتقول له لأ أنا مش ممكن أدخن أبدآ
لا طبعا مش هدخن مش ممكن ابداااااا
لو شفت منظر عيل بيبكى فى الشارع وطلب منك المساعدة ياترى
هتقف وتشوفه عايز إيه
ولا هتخاف يكون حد وراه حرامى مثلآ أو نصاب وتسيبه وتمشى
حسب المكان والموقف
ياترى كان نفسك يكون إسمك حاجة تانية غير مازن؟ولماذا؟
ههههههههههههههههههههههه
ههههههههههههههههه لاء مازن بحبه
هل تفكر بعقلك أم بقلبك فى أى موضوع؟
بقلبي
هل أنت متفائل؟
اعتقد اه
مامعنى الحرية فى نظرك؟
انت حر ما لم تضر
ما رأيك فى بنات اليومين دول ؟
في السلنكتيه
ماهو أكثر شىء يثير مخاوفك ولماذا؟
حاجات كتير يمكن منها النار و دي طبيعة في كل البشر والضلمة وكده
بس كدة كفاية عليك النهاردة يامازن الحبة دولم
ونتقابل غدآ على خير بإذن الله
قولى مش عايز حاجة أجيبها لك وأنا جاية بكرة؟
هههههههههههههههههههههههه
سلام بقى يامازن