الرئيسية
ايها القوم اسمعوا وعوا
انهارده روحنا نتسحر عن عضو نورنا واثبت وجوده وبقت له بصمته في المنتدي بجد
ونقدر نقو بقي احد اعمده المنتدي الرئيسيه برضو
مشاركاته كلها مميزه
تجبرك انك لما تقراها ترد
معانا انهارده كابتن حوده
أهلا بيك حوده معانا انهاردة منورنا والله
دة نورك يا ماهر طبعا
الله يخليك
كل سنة وأنت طيب ورمضان كريم
الله اكرم
وانت طيب يا حبى وبالصحة والسلامة وكل الناس اللى معانا بالف خير
ويفضلوا مع المنتدى
يلا ببساطة كده وبسرعة عرفلي نفسك في الانجاز
محمود محمد
20 سنة
اهلاوى
نفسى اتخرج من الكلية ب 75 فى المية
قولي يا عم الحاج هل رمضان زمان هو نفس رمضان حاليا؟؟
لا طبعا يا ماهر
زمان احسن بكتير
زمان او لما كنا اطفال كانت عقولنا فاضية من جوا كل اللى فيها بساطة وعايزين لمة حوالينا
وتفكير برىء
انا عايز اقولك انا كان حلمى ونا صغير انى اوصل للصف الاول فى الجامع بس عمرى ماوصلت ككنت دايما فى التانى عشان بيقول الاطفال ورا
يعنى ممكن كانت الدنيا بسيطة بالنسبة لزمان
اما دلوقتى كليون حاجة شاغلة البال وهموم ملهاش اخر
وصواريخ جايبة صداع وبنات رمضان موصلهاش
يعنى بدانا نفهم حاجات بس للاسف بوظت معنى الشهر الكريم
سورى للاطالة
اول مرة صمت كان عندك كام سنة؟؟وهل حصل وفطرت بينك وبين نفسك بس قدام العيلة لسه صايم؟
6 سنين او قبل مادخل المدرسة بسنة
لا ... فطرت ادام امى العصر مقعدتش للمغرب
انا فاكر اليوم دة بجد
ذاكرتى الحمد لله جامدة
اول يوم صيام لك عدى عليك ازاى؟؟
كان عادى جدا
كنت فرحان يعنى
بس كان فى الشتا
انا حبيت الحكاية
ازاى بتستقبل رمضان واخبار الصورايخ معاك ايه والبومب؟
اولا بحب شعبان يكون 30يوم
عادى باة بصلى التراويح اهم حاجة واقرا قران
لا كبرنا خلاص
بس بصدع اوى و كتيير بتخرجنا من التركيز فى الصلاة
الناس مش متوصية
قولنا بقى موقف حصلك فى رمضان ومش قدرت تنساه
ممكن اسيبك تحكى الموقف بنفسك ولا مش فاكر
واللله جسمى قشعر لما فكرتنى بيه
يا جماعة ماهر كان معايا فى نفس الاتوبيس السنة اللى فاتت
لقينا مينى باص بيحمل السنبلاوين فى حين مكانش مواصلات خالص وموت وزحمة بس ماهر ابن الحلال ندالى من الشباك وقالى تعالى فى مكان وياريته مانده
فضلنا طول الطريق واقفين طبعا وماسكين فى الحديدة وبعد ماعد الكوبرى لقينا الطريق واقف عشان حادثة فاضطر يروح لاجا الاول يعنى ودانا بلد تانية خالص
وطريق ضلمة وكل شجر وضيق وكنا عدينا المغرب بكتير ولسة صايمين
ومعانا بنات باة متبهدلين يا عينى وليلة كوبيا
المهم السواق استغلنا خالص وخد فلوس كتير شوية
تليفونات باة على ماهر ايوة انت فين.... ماهر بيرد باة كالاتى....(ايوة يا مجدى انت فين ..احنا فى طريق خير اللهم اجعله خير ضلمة وشجر وقال اية بيقولوا اجا)
المهم واحنا نازلين ارض الوطن قلتلهم عادى ابتسموا احنا كاننا جايين من دريم بارك
مين اول حد هنئك برمضان؟
ابن عمى
اول رسالة جاتلك تهنيك برمضان كانت من مين وبتقول ايه؟؟
ابن عمى برضو
كل عام وانتم بالله موحدين... وبالقران مؤمنين....وللرسول تابعين
رمضان كريم
قولي اخبارك ايه في رمضان يعني مواظبولا النت مضيع وقتك؟
لاالنت مش مضيع وقت ولا حاجة
الحمد لله واخد قرار اتغير
ايه اكتر حاجة بتحرص عليها فى رمضان؟
التراويح والقران
كتر حاجه بتحسسك ان رمضان جه
البوظة والزينة فى الشوارع
وبعدين السما بلاقى لونها غريب فى رضان بس
والبنات بسم الله ماشاء الله بجد المحترم منهم وشه جميل اوى وزى القمر فى الحجاب والاسدال ولبس الحشمة بتاع الجامع
لو فيه خبر نفسك تسمعه في رمضان يا تري يكون ايه
ان ربنا يغفر لنا كلنا
اخبارك ايه في المسلسلات ؟ واكتر واححد عجبك؟
اكتر مسلسل شدنى فى حياتى
هو .... زيزينيا الجزء الاول
دة اسطورة رهيبة انا بتابعه على اى قناة يجى عليها
غير كدة ماقابلتش حاجة شدتنى بنفس القوة غير قضية راى عام
بس اساسا انا ماليش فى المسلسلات اوى ومش بحب اتفرج او بمعنى تانى مافيش وقت
لانى بحس انها هيافة وسذاجة
بس بحاول اتحرى الدقة فى اللى هتعب نفسى واتفرج عليه
بحيث يبقى شد ناس كتير ومحدش يقدر يتكلم
اكيد ليك فى الصواريخ والمقالب قولنا بقى على موقف حصلك او عملته فى حد يخص الموضوع ده فى رمضان؟؟
لا والله بكرها جدا
لانها صداع جامد ومش بركز فى الصلاة وبتخرجنى منها
ايه اكتر حاجة بتحب تعملها فى رمضان؟؟
تراويح وقران
ونية صادقة للتغيير
لو حبيت تخرج فى رمضان هتروح فين؟؟ ومع مين ؟؟
الصيدلية او
عند الكابتن بس مع
اصحابى
بتعرف تطبخ يا دوك ولا؟وايه اكتر حاجة بتحب تاكلها على الفطار ؟ والسحور برضو؟
هههههههههههههههه
لا يدوب بيض بس
ملوخية طبعا
وفراخ
طعمية
لو حاجه ممكن تضايقك ي رمضان يا تري تكون ايه اكتر حاجه تضايق حوده في رمضان
اللى بيصوم وهو مش بيصلى
ومش بيرضى يتنصح
والبنات برضو اللى مش عندهم فكرة ان رمضان وصل
بيتهيالى هم فاصلين باور
النت والمنتدي ماثرين علي صيامك؟
لا خالص
في نهايه قول كلمه للاعضاء
انا مش عايز الحوار يخلص طبعا
اقول للاعضاء
بجد انتم ناس بعزها جدا جدا جدا وانا ماعرفش ولا حد هنا شخصيا غير ماهر بس بحبكم جدا
والمنتدى دة مرحلة من الحاجات الى خلت حياتى تاخد اتجاه تانى
وانا بتاسف لاى حد انا ممكن اكون زعلته
ويسامحنى باة واحنا فى رمضان
بس اللى غلط فيا
............. بقوله المسامح كريم 
وجهز الاكل بقي
ثوانى يا ماهر
بس قعد الناس كلها وخد انت الكرسى اللى يتوسط المائدة
طيب انا ساكت اهو وخليهم قاعدين لحد ما الاكل يوصل من طريقتك حاسس اننا هنتسحر في ميكروباص هههههههه
نورتنا يا حوده وكل سنه وانت طيب
» سجل دخولك بالصلاة علي النبي صلي الله عليه وسلم
» اهدائى الى........
» فزورة المفتش كرومبو على طريقتى أنا
» ورد لاطيب عضو في المنتدي
» دكتور مصطفى محمود
» شوربة القرع العسلى اللذيذة أوووووووووى
» سؤال وجواب (فتوى شرعية)
» كلمتين ع الماشى 2(زجل بقلم أخويا أيمن)
» "حصريا برنامج mmc tools الجديد لإصلاح كروت الميمورى التالف
» عبر عن حالتك بأغنيه
» يلا الحق بسرعة كيفية الاشتراك في موقع رابيدشير مجانا
» i am back
» قرد موبينيل قرر عدم الرجوع إلى مصر نهائيآ
» هم و احنا