هههههههههههه
ايه الاسئله الصعبه دى يادك
ماشي بدا
اوصف سادبيرد من وجهه نظرك
شخصيه طيبه مليش في اللف والدوران
صاحب صاحبي ومش بحب ازعل حد مفيش حاجه تخلينى اغضب
بفكر في اى حاجه قبل معملها
اغلب الاوقات احب ابقي وحيد
شخصيتى حالمه جدا
ودائما بحاول احسن من نفسي
ايه هى نقاط قوتك
اصحابي وحبهم ليا
و مش بحب انهى اى موقف في وقته لازم افكر هعمل ايه واتصرف ازاى
و ايه نقاط ضعفك
مش بحب ازعل حد ودى مشكلتى الحقيقيه
قولنا على حاجه عملتها و محرج منها
التدخين اكيد
شايف نفسك ازاى بعد 5 سنين
صيدلى متخرج شغال في مصنع ادويه
متجوز
عايش سعيد وراضي
ايه صفات الصديق المثالى فى نظرك
امين جدا ميطلعش سر صاحبه بره
يقول لصحابه ايه الصح وايه الغلط
ويحاول يبعده عن كل حاجه تضره باى طريقه
والاهم الاحترام المتبادل بينهم
طيب بصراحه ايه هى اسوأ صفات صديقك المقرب
حبه للبنات وانه كل يوم يكلم بنت جديده
ايه هى هواياتك
القرايه والسباحه وفي فترات بيدخل معاهم الكراتيه والملاكمه في الاجازات بس
لو رجعنا بالزمن هتغير ايه فى حياتك
مكنتش ادخن
وكنت ارضي ادخل صيدله عين شمس
وكنت احاول مزعلش اقرب انسان ليا
امتى تغضب
مفيش حاجه بتخلينى اغضب
غير لو حد اتهمنى بحاجه معملتهاش
مين بتاخده قدوه ليك
اخويا الكبير
اصعب قرار اخدته
انى ادخل صيدله يوميها وقفت قدام البيت كله
اكتر حاجه ممله مضطر تعملها
احضر محاضرات الكليه
لو انت الادمن هتغير ايه هنا
ليه كده بس محنا حلوين مع ماهر
لا بجد هو المنتدى جميل جدا
واى حاجه عاوزه تتغير ماهر بيغيرها قبل منقولها
بتقضى ازاى اجازاتك
في استاد الجامعه مابين السباحه والكاراتيه بس الاجازه اللى فاتت كنت في شرم الشيخ
بتحب السفر ؟ و فين
جدا عند خيلانى في القاهره او بنت عمى في اسكندريه
صفه صحابك بيقولوها عليك
في طب اصحابي بيسمونى الفنان عشان عملت كذا مسرحبه معاهم انما في صيدله اسالى ماهر
هههههههههههه
شغل ولاد باه
اكتر حاجه بتقلقك
مستقبلى هل هيتحقق زى منا شايفه ولا لا
ايه هى اهدافك فى الحياه
ابقي كويس واحقق الهدف اللى انا عايش عشانه ارضي ربنا
واساعد بلدى
النجاح بالنسبه لك ايه هو
والله هو بالنسبالى ملهوش تعريف مطلق
بس ممكن يكون انى احقق الاهداف اللى حاططها لنفسي
يعنى انا بحط اهدافي على هيئه خطوات بعد كل خطوه ابدا افكر في اللى بعدها
يعنى كمثال ازاكر اجيب مجموع ادخل صيدله اتخرج اشتغل وهكذا
ايه رأيك فى الحاجات دى
الرئيس
ليه كده يادك
محنا كنا حلوين
شكلى مش هلحق احقق اى حاجه من اللى قلتها
هههههههههههه
لا هو الريس سياسي بارع لكن قائد وحاكم معلش فيها ميعرفش حاجه
كفايه ان البلد بتتنهب وهو ساكت
انتى السبب يا شوشو
مش مروح النهارده
الاجهاض
قتل صامت بايد المفروض انها تداوى مش تقتل
الموت الرحيم
كلفر وعدم احترام لمشيئه ربنا
لو معاك 100 مليون هتعمل بيهم ايه
ابنى مصنع ادويه
ايه الانجازات اللى شايف انك حققتها فى حياتك
انى دخلت كليتنا الخنيقه دى
ححقت تانى دقهليه في الكاراتيه قبل ماخد الحزام الاسود
وباذن الله باقي الانجازات جايه
ههههههههههههه
تدى المنتدى كام من 10
9.7
عشان تبقي محبوكه
ههههههههههه
ايه رأيك انفع interviewer
اكيد طبعا
بتسالى اسئله تدوخ
لما اجى من بره بقى ابقى اكملك
مستنى
الرئيسية
» سجل دخولك بالصلاة علي النبي صلي الله عليه وسلم
» اهدائى الى........
» فزورة المفتش كرومبو على طريقتى أنا
» ورد لاطيب عضو في المنتدي
» دكتور مصطفى محمود
» شوربة القرع العسلى اللذيذة أوووووووووى
» سؤال وجواب (فتوى شرعية)
» كلمتين ع الماشى 2(زجل بقلم أخويا أيمن)
» "حصريا برنامج mmc tools الجديد لإصلاح كروت الميمورى التالف
» عبر عن حالتك بأغنيه
» يلا الحق بسرعة كيفية الاشتراك في موقع رابيدشير مجانا
» i am back
» قرد موبينيل قرر عدم الرجوع إلى مصر نهائيآ
» هم و احنا