ياتري مين علي كرسي الاعتراف !!

صباح الخير والسلامة ومنورة الكرسى يابسمة
مرتاحة عليه ولا مش مرتاحة
على العموم هااااااااااانت
كلها 6 أيام وتقومى من عليه
هههههههههههههههههههه
خدى دول عندك بقى ياكوكووووووووووووووووووووو
هل تحبين البحر وهل تعرفين العوم؟
هل سافرتى خارج بلدك وأى البلاد زرتى؟
كيف تقضين يومك فى العادة؟
من من الناس تحبين أن يوجه لكى اللوم والعتاب ولماذا؟
من أين تأتين بالمعلومات الطبية ولماذا؟
وهسيبك شويتين وهفكر لك فى أسئلة رخمة جديدة
بس والله
نوررررررررررررررررررررررررررررررررك زيادة وغطى ع الكهربااااااااااااااااااااااا
سلام ياحبى

ههههههههههههههههههه
قلبى معاكى يابسمة
الأسئلة نازلة ترف عليكى زى المطر
خدى دو ل كماااااااااااااااااااان
ليه مسألتنيش وأنا على كرسى الإعتراف؟
ماهو أطول يوم فى حياة بسمة؟
هل تصومين يومى الإثنين والخميس من كل أسبوع؟
هل تفضلين الزواج من طبيب ولا أى مهنة مش فارقة معاكى؟
هل لديكى إخوات بنات؟
هل تفضلين طريقآ مفروش بالأشواك وفى نهايته ورود أم تفضلين الطريق السهل المفروش بالورود وفى نهايته الورود برضه؟
ماهى أجمل ساعات يومك ولماذا؟
من هو أحب منشد دينى إلى قلبك ولماذا؟
هسيبك وهرجع لك بإذن الله بعد صلاة الظهر ياكوكووووووووووووووووووو
معلهش متقلة عليكى ياحبى
ماهو إنتى أفضل عضوة عندنا ولازم نتوصى بيكى شويتين تلاتة أربعة
ههههههههههههههههههه
سلام يابسمة
وشدى حيلك وربنا يقويكى علينا

هااااااااااااااااااااااااااااااى ازيك يا بسمه قلبى معاكى يا بنتى
وربنا يقدرك على كل اللى عندك ده دا انا تعبت لما قاريت حبه

حسبى الله ونعم الوكيل
رنا معاكى

حسبى الله ونعم الوكيل
رنا معاكى

بسمه شيكولاته برضو هنا هههههههههههههههههه


ماشي يا دوك استني يومك برضو من الايام ههههههههههههه

باااااااااااااااااااااااااااااااااك
أنا جييييييييييييييييييييت
بصى بقى
خدى دول كمااااااااااااان
ياترى حبيتى قبل كدة من قلبك وإيه أطول حب فى حياتك؟
كيف تتعاملين مع إخوتك؟ بحنية ولا بعصبية؟
ممن تقبلين النصيحة بصدر رحب ولماذا؟
هل تفكرين فى الحب الآن ؟جاوبى بكل صراحة
هل أنتى خجولة يابسمة؟
بس ياستى
أنا كدة خلصت كل أسئلتى
هههههههههههههههههه
سلام ياكوكوووووووووووووووووووووووو
وكل كرسى إعتراف وإنتى طيبة وبخير ياااااااااااااارب
مع تحياتى
ماااااااااااااااهى

ازيك يا بسمة
يارب تكونى مستريحة فى الكرسى

انتى اللى عملتى كدة فى نفسك

شكلك فى جماعة الايام بيننا


سؤالين كدة على السخان بسرعة




اية اكتر دعاء بتردديه؟؟؟؟؟؟

فى تاريخ فى حياتك حاجة مهمة مش هتتنسى؟؟؟

لو فى....ولا بتاخديه عطلة رسمية؟؟؟

اكتر مكان بتحبى تروحيه وبتنسى فى نفسك؟؟؟؟


بس خلاص.........وياريت اكون ضيف خفيف

ههههههههههههههههههه
بسمة معلهش
هف علية سؤالين كدة ألوقتى
بصى
السؤال الأول
ماذا يمثل لكى أدمن المنتدى ماهورة؟ ولماذا ؟
من ممن سبقوكى على كرسى الإعتراف عجبتك أوووووووى طريقة إجاباته ولماذا؟
ماذا تقولين للأعضاء التالى أسماؤهم
ماهيتاب
كابتن حودة
مازن
مى
منى
خلود
ترايلس
ماهورة
كاكا
جولدن كينج دوم
مرمور
بنوتة روشة
روشاس
السؤال التالت والأخير (الله أعلم )
ماهو السؤال الذى تمنيتى أن أسألك فيه؟
وأخيرآ يابسمة
مارأيك فى مسابقة أنا ميييييييييييين؟
شكرآ ياحبى
وإذا جال بخاطرى سؤال جديد
هسألك معلهش بقى إستحملينى اليومين دوووووول
والأيام بيننا (ده حزبنا برضه)
متقلقيش
إحنا معاكى بقلوبنا والله
سلام يابسومتى

بسمة روح قلبى ربنااااااااااااااا معااااااااااااااااااكى بجد

ربنا على الظالم والمفترى فعلا هههههههههههههههههههههه

ما شاء الله مى ومهوره وماهى قايمين بالواجب وزيادة

بس كابتن حودة ما شاء الله عليه ضيف خفيف فعلا لكن الباقى .........................

ربنا معاااااااااااااااكى وحسبى الله ونعم الوكيل فى الباقى

انا كان بودى اسالك بس خلصى دول الاول

ربنا معااااااكى

ربنا على الظالم والمفترى فعلا هههههههههههههههههههههه

بسسسسسسسسسسمه شيكولاته لمني برضو


واستني يومك يا دووووووووووك

بقي انا مفتري

ر

اذكري لنا موقف طريف حدث لكِ ؟
اذكري لنا موقف محرج تعرضتي له ؟
اسعد واجمل موقف حصل وتفتخرين به حتى الآن ؟

احب احتفظ باجاباتهم لنفسى

اسواء موقف او ذكرى حصلت لكِ ؟

وفاة بنت واحدة جارتنا وقعت من البلكونة
الكلام ده وانا كنت فى ابتدائى لسه
كانت طيبة اوى وعسولة وكنت بحبها اوى
ياللا ربنا يرحمها

ماهي نقطة ضعفك ؟

احتفظ بيها لنفسى

القلم نوع من الالم هل جربتي وكتبتي بعض من الامك في هذه الحياة ؟

كتييييييييييييييييير

ما الذي يؤثر في نفسك ويجعلها حبيسة للحيرة؟

الخيانة والغدر خصوصا اقرب الناس
او ممكن تغير تصرفاتهم

كتاب قرأتهِ ... وما زلت تعودين إليه بين فينة وأخرى؟

كتاب ربنا
القران

يقال المنزل ... مملكة المرأة ... هل أنت ست بيت شاطرة؟

الى حد ما

الأزهار والورود ... تضفي للحياة بعدا آخر ... ماموقعها في حياتك؟

الورود :انا بحب الورد جدااااااااااااااا
واحياناا بخاف منه مش عارفة لييييييييييييه

هل تتمنين أن تكوني في بلد آخر هذه اللحظة ... ماهو البلد؟ لماذا؟

فى هذه اللحظة اسكندرية
عشان الجو حار واشوف خالى وبنات خالى

آخر موضوع شدك ونال على إعجابك في المنتدى ؟

كوفى شوب المنتدى
و10نصائح لكى لا تنشغل عن الصلاة

هل bsm:
هادئة
رومانسية
مرحة
تخلو بنفسها كثيرا

هادئة : احيانا بس غالبا لالالالا
رومانسية :نعم
مرحة :الى حد ما
تخلو بنفسها كثيرا :احيانا برضو

ما اجمل هدية حصلتي عليها ؟

اى هدية من حد بحبه بتكون عندى احلى هدية
ممكن نقول هدية اخويا عشان نتيجة الثانوية
وهدية من واحدة صاحبتى يوم عيدميلادى اللى فات

ما أجمل الاوقات لديك(صبح ,مساء..) ؟

مساء

شخصية كرتونية محببة لطيفة لديكِ ؟

انا بحب الكرتون جدااااااااا
خصوصا المحقق كونان وسابق ولاحق ومارتن ميسترى
والجاسوسات

لمن تمنحين هذه الالقاب :
طيب

انا مش عارفة قصدك فى حياتى ولا فى المنتدى
بس انا هجاوب على اللى فى المنتدى

طيب ممكن نقول : كتييير

طيبة

منى وهبة ونور وماهيتاب

حكيم

كتير
بس مش بحب الكلمة دى على فكرة

حكيمة

منى برضو
ومى احيانا بتبقى عاقلة
وفيه كتير برضو

مرح

كتييييير برضو
مهورة وكاكا ومازن وتراليس

مرحة

الاخت مى ..بس لما اشوفك يامى
ومنى وهبة

صاحب القلم

مش عارفة

صاحبة القلم

ماهيتاب

قادم بقوة

المفترى هو عارف نفسه

قادمة بقوة

برضو المفترية وهى عارفة نفسها

طموح

مازن والقديم وتراليس وكابتن حودة

طموحة

منى وهبة

ماذا قدمتي للمنتدى حتى الآن ؟

كل خييييييييير ههههههه
لا دى بقى انتوا ادرى بيها عنى
يعنى انتوا اللى تجاوبوها

ما مدى رضى الاعضاء عنكِ ؟

الله اعلم
برضو انتوا ادرى عنى

هل كان لك التواجد السريع والرد في المنتدى ؟

نعم

هل طرحتِ مواضيع .. أم نقلتي مواضيع من بريدك أو من منتديات اخرى؟
ماهي المواضيع التي طرحتيها ..
و كانت هذه المواضيع لك في أي قسم ؟
وما احبها اليك .؟ .. ولماذا؟؟

حتى الان لسه
اغلبها من منتديات اخرى
فى حاجات موجودة عندى على الجهاز

يوم ايه اللى استناه يا دووووووك

انت نسيت انى خلااااص اتسالت وخلاص

انسى باه هههههههههههههههههههههه

وبعدين ما انت بصراحة سالت كتيييييييييييير اوى ربنا يكون فى عونها بجد

اوعى تزعل يا دوك انا بهزر

لا لا احنا ايامنا ليها اشكااااااااااااال كتير

المهم انتظري وخلاص

وخي في بالك المفاجات هههههههههههههههههههه

هههههههههههههههههه
متخافيش أنا مش داخلة أسألك تانى والله
بس لفت نظرى الجملة دى فى ردودك





فى هذه اللحظة اسكندرية
عشان الجو حار واشوف خالى وبنات خالى

يعنى مفيش كدة عشان أشوف مااااااااااااااااااااهى بالمرة
ماشى يابسمة
تنورى إسكندرية والله يابسومتى
بس إبقى قولى لى قبلها عشان أعمل حسابى وأعزمك على أكلة سمك بووووورى
ههههههههههههههههههههههه
ربنا يقوووووووووووويكى على المفتريين وأنا منهم

ماشى يا مهوره يعنى اخاف مثلا

عموما انا منتظرة اه ههههههههههههه

اوعى تزعلى يا ماهى انا بهزر والله

يعنى مفيش كدة عشان أشوف مااااااااااااااااااااهى بالمرة
ماشى يابسمة
تنورى إسكندرية والله يابسومتى
بس إبقى قولى لى قبلها عشان أعمل حسابى وأعزمك على أكلة سمك بووووورى

ان شاء الله
اما اشوف هترحبى بينا ازاى

وبعدين ما انت بصراحة سالت كتيييييييييييير اوى ربنا يكون فى عونها بجد

الله يخليك ليا يامنى
وربنا بقى على الظالم والمفترى

هههههههههههههههههههههههههههههههه

ههههههههههههههههههههههههههههههههههه

ربنا معاكى يا حبى معلش كلنا لها

وعشان احنا صحاب وفى بينا عشرة

مش هسالك تانى دلوقتى لحد ما تخلصى

اجابات الاسئله دى هههههههههههههههه

ربنا معاكى شفتى انا طيبه خالص ازاى

يللا اى خدمه والبقاء لله مقدما

وربنا ع الظالم والمفترى

الى أي مدى انت حره......وما هي قيودك.....؟

الى حد كبير ما دام بعيد عن الحرية اللى تغضب ربنا
وكمان اهلى بيثقوا فى تصرفاتى

هل تري انك مظلومه في دنياكي.......؟

لا

هل تؤمنين بالحظ.....اذا كنت.... فهل تري انك سيئة الحظ.....؟

لا

ما مدى الاتفاق والاختلاف بين عقلك وقلبك......ومن اقوى فيهما....؟

مفيش اتفاق نهائى
قلبى هو الاقوى

هل ترين ان حياة الانسان فيلما تنتهى احداثه بموته........؟

مش بالظبط
لانه بيروح بجسده بس بيفضل فى قلوب كل اهله وناسه واصحابه

ايه معلوماتك في الكمبيوتر والنت.......؟

يعنى مش اوى

ايه اكتر حاجه بتحبيها في كل من :
الاكلات

السمك

المشروبات

القهوة والشاى والنسكافيه ودول ادمان
بالنسة للعصاير عصير مانجة والفراولة

المطاعم

مطعم جنب تربية فى طنطا
روحته مع اصحابى مرتين
بس عجبنى اوى

وسائل المواصلات

ولا حاجة بكرهها كلها
صوتها مبروحش من دماغى
وبجيبلى صداع

انواع السيارات

التريوس


[quoteالمصايف
][/quote]
اسكندرية

الفصول

الخريف

الالوان

الروز والازرق السماوى

الملابس
الشنط

الملابس بحب الالوان الغامقة والهادية
الشنط بحب الشنط الصغيرة

الهوايات

الرسم

الطفوله

البراءة والشقاوة

المراهقه

الخجل

المشاهير

محمد ابو ترييكة لاعب النادى الاهلى
تامر امين مقدم برنامج البيت بيتك
محمد صبحى ممثل
منى زكى وحنان ترك ممثلة
مطرب فضل شكر وعمرو دياب
مطربة شذا وشيماء سعيد

الاغاني

دى بتبقى حسب حالتى النفسية

الافلام

الرعب والاكشن
وشوية كوميدى

المسلسلات

حدائق الشيطان
والعميل 1001

الحكم

اعمل لدنياك كانك تعيش ابدا
واعمل لاخرتك كانك تموت غدا

الامثال

اللى بيته من ازاز ميزقلشى ناس بالطوب

الاحاديث

(ان الله يحب اذا عمل احدكم عملا ان يتقنه).

سور القران

يس-البقرة - الدخان

الشيوخ

الشيخ محمد حسان

الثوار

نصر الله

الفدائيين

الشيخ احمد يس

الرؤساء

احمدى نجاد رئيس ايران
وطبعا السادات وعبد الناصر

البلاد

مصر

الشعوب

برضو شعب مصر

اهل مدينتك

ولا حد هههههههه
ندالة بقى
لا طبعا اكيد قرايبى وجيرانى واصحابى

المنتدى

ايه ده بقى
على فكرة السؤال ده متكرر
بس هجاوب
كلهم انا بحترمهم وبقدرهم

اصحابك

اديك قولت اصحابى يعنى اكييييييييييييييييد بحبهم كلهم
انا مش هصاحب واحدة بتخنق منها يعنى

انواع القلوب

القلب الكبير الطيب الحنون

نفسك

معرفهااااااااااش

هل ضربك أحد امام الناس ؟ .. و لماذا ؟ و من كان الفائز ؟

لا

اين كنت تجلسى في الفصل ايام المدرسة ؟ في الامام حيث المجتهدون ام في الخلف مع اصحاب المشاكل ؟

للاسف كنت بقعد فى الاول

اذا اتصل عليكى شخصا لا تعرفيه و هددك بقتلك عند خروجك من المنزل هل ستخرجى ؟

لا هخرج عشان اشوف مين هو

شخص لا تريديه و اتصل عليك و لم تردى ثم اتصل عليكى بعده مباشرة برقم آخر وأجبت ما موقفك ؟

ولا حاجة هسيب الخط مفتوح ومع نفسه بقى

متى يمضي الوقت دون ان تشعري به؟

لما اكون مع اخواتى

هل تتلقين النقد بصدر رحب ؟

احيانا يعنى ده يتوقف على اسلوب النقد

نقد لمن توجهينه ؟

لكل اللى يكره البنات

هل تتقبلين النصيحه من كل من حولك سواء اعضاء او زملاءاو اهل واغراب ؟

اقبلها من اهلى او اصحابى او زمايل
بس لما يكون هدفه النصيحة يعنى بينى وبينها
من الاغراب احيانا حسب انطباعى الاول

اذا رايتي موضوع ولم يعجبك او ازعجك هل تعبرين عما يعصف بك او تسكتين ؟؟

غالبا مش برد
او اكتب لاتعليق

مارأيك بالمنتدايات العربيه علي النت وهل تؤدي الدور المطلوب منها او مضيعه للوقت و المال في معظمها؟

مش كلها مضيعة للوقت
فيه منتديات يتادى دورها

فرضا لو اصبحت رجلا ليوم واحد دون ان يعرف احد بالامر فما الذي سوف تقومين به من ادوار الرجال التي لا تستطيعي القيام بها و انتي امرأة ؟؟

هلعب كورة هههههههه

ما رأيك برجل اليوم....؟

رجل اليوم بمعنى الكلمة بقى حاجة نادرة جدااااااااا

امانيكي في الحياه ؟

امانى فى الحياة انجح فى دراستى وفى مجال عملى
وانجح فى حياتى العائلية برضو

اكتر حاجه بتحبيها في الحياه .. واكتر حاجه بتكرهيها ؟

اكتر حاجة بحبها فى الحياة
حب اهلى وثقتهم فيا
وانى قدرت احققق املهم فيا
اكتر حاجة بكرهها ..حالنا حال بلدنا والظلم والواسطة والتعصب

حلم حققتيه .. وحلم لم تحققيه .. وحلم تحلمي بتحقيقه ؟

حققته جبت مجموع كويس فى الثانوية العامة
لم احققه كان نفسى ادخل كلية علوم
حلم احلم بتحقيقه اخلص الكلية على خييييييييييييير

اصعب قرار اخدتيه في حياتك .. كان ايه ؟ وامتى ؟

احتفظ بيه لنفسى

ايه مثلك في الحياه ؟ وهل بتطبقيه ولا لأ ؟

لاتؤجل عمل اليوم الى الغد
احيانا بتضطرنى الظروف مطبقهوش

كان نفسك تبقي ايه وانتى صغيره ؟

كان نفسى ابقى مدرسة

يه هيه التجربه اللي عشتيها وتتمني تكرارها ؟

افضل احتفظ بالاجابة لنفسى

فضل مكان بتترددي اليه ؟ وليه ؟

بيت العيلة
عشت فيه اجمل ايامى

من هو توأم او توأمه روحك ؟

توامة روحى هى مروة واحدة صاحبتنا من اعدادى وثانوى
انا بحب اصحابى جدا خصوصا مى انا ندمانة انى معرفتهاش قبل كدة
وسيبت الظروف تدخل بينى وبينها للاسف انا اول مرة اعرف مى السنة دى بالغم ان احنا نعرف بعض من ابتدائى
بس مروة عاشت معايا وساعدتنى فى مواقف صعبة جدااا

هههههههههههههههه
يل عينى عليكى يا بسمة
بس انجزى الاسئلة دىفى السريع علشان
عايزين نسأل.....................
ربنا معاكى
فعلا ربنا عالظالم...................

س/كل شخص له هدف يرسمه ويطمح لتحقيقه .. ولكن قد ينقلب السحرعلى الساحر
ولا يحققه ... هدفك الذي لم يتحقق ؟؟

كان نفسى ادخل علوم

س/ من من الناس يحتل المساحه الاكبر من قلبك؟

مامتى

س/ تقال كلمة اكرهك هل سبق وقلتيها لأحد وأنتي مؤمنه بكامل معناها؟

لا

س/ متى اخترتي اختيار وقلت في داخلك نعم هذا اختياري الأبدي؟

احتفظ بالاجابة لنفسى

س/تخيلى العالم يصغي إليك في هذه اللحظة , ماذا ستقولى ؟؟

مش عارفة ممكن اقول ايه
بس اكيد هتكلم عن الحروب والاحتلال
ورغبة امريكا فى السيطرة على العالم
وهتكلم على حال العرب وخوف الحكام على الكراسى
وهتكلم عن حال بلدنا وعن مبارك وعن خوفه على المنصب
والواسطة وسكوت الشعب المصرى وخوفه

كفاية كدة
شكلى هتشد بكرة ابقى افتكرولى حاجة حلوة

س/ما هي المعايير التي تبني عليها علاقاتك بالآخرين ؟

المعاملة اهم حاجة
بس احيانا برضو الانطباع الاول بياثر مع انه ممكن يكون غلط

س/ما هي الفوائد التي خرجتى بها من دخولك لعالم المنتديات؟

كتيييييييييير
عرفت حاجات عن الدين والرسول
عرفت حاجات عن الكمبيوتر
وعرفت حاجات هتنفعنى بعين فى الكلية
بجانب الترفيه طبعااااا

س/من هو الشخص الذي تشعرين من خلال قراءتك لمواضيعه بأنه يشبهك ؟؟

مى وبنوتة

س/في وسط فوضى الحياة ما الذي يرسم لكِ "بسمة"؟

حضن ودعواية من ماما

س/متى يحين لك وقت الانعزال عن نفسك تماما ؟؟

لما اكون مظلومة
احس بالغدر من اقرب حد ليا ولما
ولما احس انى غلطانة فى حق حد

س/كيف ستتعاملين مع من خذل إحساسك ؟

التجاهل تماما

س/لا يصل الناس إلى حديقة النجاح دون أن يمروا بمحطات التعب
والفشل واليأس، وصاحب الإرادة القوية لا يطيل الوقوف في هذه المحطات.
فــهل جربتي الفشل ...وهل استطعتي تجاوزه ؟

اكييييييييييييييييييييد جربته
بس الحمد لله اقدرت اتجاوزه

س/ما الحلم الذى تتمنيه وانت على يقين انه لن يتحقق ؟

انك تخلينى انا الادمن هههههه

س/قال أحد الفلاسفة...
السعادة ليست في الواقع والحقيقة ولكنها في خيالنا
فإذا نزعنا من مسراتنا أحلامنا لم ندع شيئا ً منها...

فهل السعادة وهم ٌ نبحث عنه...؟

لا طبعا مش وهم
ابسط حاجة ممكن تحقق السعادة
ركعتين شكر لله
او ايتين من القران
او تساعد حد
ترفع ظلم عن حد
تكون سبب فى سعادة الناس اللى حواليك

س/عندما تكتبين هل تحسبين حسابا" للقاري بعدئذِ أم أن مايهمكِ هو التعبير عما بداخلِك

اكيد بعمل حساب للقارئ
بس برضو بكتب اللى بحسه

س/ماهو شعوركِ عندما ترى هذه المناظر :-
- طفل معاق في كرسي متحرك

هشكر ربنا على النعمة اللى انا فيها

- امرأة أعياها الزمن والهرم وتطلب المعونة من الناس في حر شديد

هزعل اوى وهساعدها ان شاء الله

- بنت تصرخ في وجه أمها في سوق عام

هضايق اوى
وهرجع لمامتى واقولها متزعلشى منى

لاحول ولا قوة إلا بالله
إزيك يابسمة
إنتى لسة ماجاوبتيش على أسئلتى
مااااااشى
وبعدين إيه تشوفى هرحب بيكى إزاااااااى
والله شرفينا فى أليكس وهتشوفى بعينك وتسمعى بودانك ياحبى
هنروح البحر بقى ونهيص سوا
بصى
خدى دول بالمرة كدة
هل ناوية تعملى دراسات عليا ولا لأ؟
هل توقعتى إنك تكونى أفضل عضوة فى منتدى الأيام بيننا قصدى ماهورة؟
هل تحبين المجوهرات وأى نوع من الأحجار الكريمة تفضلين ولماذا؟
ماهو أول شىء يثير إهتمامك فى الرجل ولماذا؟
من هى حبك الكبير بعد مامتك ولماذا؟
لمن تقولين
ياظالم ياجانى يامفترى
ليه بتعمل فية كدة
والله محصلش
فرحانة بيكى
بكرهك
مش طايقة أسمع صوتك
نفسى أشوفك
هتروحى منى فين
وربنا يقويكى يابسمة
نورتى
تحبى أجيب لك عصير ولا غدا
أوامرك على عينى
سلاااااااااااااااااااااااام

بسمممممممممه

باشااااااااااااا


بسممممممممممممه

هانننم


مودمااااااازيل بسمه



بصي يا بسمه مش عايزك تبقي شايله مني الايومين دول

ومتدعيش عليا
الله يكرمك

انا داخل علي ايام نتيجه


والمسامح كريم

وهنيالك يا فاعل الخير والاجر والثواب عند الله

ازيك يا بسمة
ربنا يكون فى عونك
بس ده ما يمنعش انى اسال حبة اسالة كده
معلش استحملينى

1.ايه مواصفاة فتى احلامك؟
2.ايه الاغنية اللى نفسك تسمعيها الوقت وتهديها لمين؟
3.حبيتى قبل كده؟
4.اول مرة تحبى كان عندك كام سنة؟
5.ايه اكتر حاجة بتحبى تعمليها؟
6.مين احسن مغنى و معنية بالنسبالك؟ وليه؟
7.لو انتى هتسافرى ومسموحلك تاخدى حاجة واحدة هتكون ايه؟
8.لو انتى هتسافرى ومسموحلك تكلمى شخص واحد من اصحابك هيكون مين؟
9.هتعملى ايه لو واحد قابلك فجأة وقالك انه معجب بيكى؟
10.ايه طريقتك للخروج من موقف محرج؟
11.عمرك حرجتى حد بطريقة بايخة؟
12.لمين تقولى" عمرى ماهنساك"؟
13.لمين تقولى "ربنا يوفقك"؟


يلا كفاية دول عليكى الوقتى
بس عايز اجابات بسرعة
وربنا معاكى

معلشى يا جماعة متاخرة فى الردود
بس النت بفصل عندى كتييير