عندك واحد احساس وصلحه .... مستني رايكم

اكيد مش الكل يا مهورة الاحساس والعاطفة موجودين فينا بس الموت امر طبيعي بس اكيد لو عزيز علينا هنزعل لفراقة والتعب قدر وبلاء نبتلى بية مش بايدنا نعمل حاجة غير اننا نزورة ونصبرة على اللي هو فية ويارب يشفية فلسطين بقي من قبل ما نتولد وهما شغالين مع الاسرائلين بل وفتح وحماس بينهم وبين بعضهم عداء مش ايد وحدة واححنا العرب مش ايد واحدة يبقي احنا في ايدنا اية غير لا حول ولا قوة الا بالله اما اللي البت بتاعتة اتخطبت وهو بيقول نادلة مش قالتلي يبقي لا عمرة حبها ولا هي حبتة ودا عيب فيهم مش عيب كل الناس ودا يبقي برود بس عمر ما البرود دا هينتشر زيي انفلونزا الطيور يعني والا الدنيا كلها تخرب على رايي الشاعر (الدنيا خربانة)هههههههههههه احنا لو مات احسسانا يبقي احنا متنا ومعدش حياة على الارض ميرسي مهورة على الموضوع الرائع

لو فضلنا عـ الحال ده ممكن نوصل لدرجه ان موبايلك يرن .. و تقوول .. عاااااااادي و تسيبه يررررن



طب ودى فيها ايه بقى

عادى ما يرن براحته

هههههههههه



مشكووووور يا دوك

الموضوع حلو فعلا

بس يمكن ده لان الناس

بقت بتكبر زياده عن اللزوم

يعنى مش فارقه وخصوصا بعد

حالة الملل والاحباط اللى بيعانو

منها يعنى الحى ابقى من الميت

بس فعلا لو انسان قريب مننا

اوى اكيد هنزعل يعنى

برضو الاحساس لسه موجود طول

ما الناس لسه موجوده.....

تقبل مرورى

فعلأ ياماهر
الموضوع بقى يخوف حقيقى
لا مبالاة بشكل كبير
والكل مش طايق حتى يسمع صوت أنفاسه
ربنا يرحمنا بقى برحمته
ثانكس يادوك على التوبيك الرائع ده

موضوع حلووووو اوى يا مهوره

هو انا حسة جامد اوى انه فعلا الاحساس بنفتقده حاليا

بس هو موجود ولكن نادر الوجود

زى ما مى قالت الناس بتقول الحى ابقى من الميت

بس لو عزيز علينا اكيد الفراق بيكون صعب

بس فعلا يا دوك اللى بنلاحظه حاليا انه حتى لو قريب بنزعل يوم او يومين

او حتى اسبوع لكن بعدها بنمشى عادى

انا كده مش بقصد انه لما يموت حد اننا نسيب الدنيا ونقعد نبكى ليه طول العمر

بس بقصد انه ذكراه تفضل موجودة جوانا وحوالينا

سورى على الاطالة يا دوك

تقبل مرورى

معاك حق يادوك بس مش بالظبط
هو فعلا لما المصايب بتزيد بتحصل حالة من الذهول واللامبالاة
بس برضو لسه الاحساس موجود
يعنى مثلا اب يفقد تلاتة من ولاده فى ساعة واحدة
بتحصله حالة من الذهول
انا اعرف شخص مش بيحس بالمصيبة الا لما يعدى منها
مشاعر الحب والكره والغضب لسه موجودة

تقبل مرورى

معاك حق يا مهورة والله
بس البرود ده مش فى كل حاجة
ومش عند كل الناس
يعنى الناس ممكن تكون وصلت للدرجة دى لانها مفيش حاجة فى ايديها تعملها
او لانها شايفة ان اهتمامها مش بفايدة
وبسبب كتر الضغوط على كل واحد ماعدش حاسس بالتانى
يعنى تقدر تقول كده
الناس بقت جسد بس من غير عقل ولا قلب
بس زى ماقلت مش كل الناس ومش فى كل المواقف

بجد الموضوع جامد
وتقبل مرورى

جميل اوى يا مهورة الموضوع


هازرفك مثال


بالليل فى موقف التلاجة انتا عارف ان مافيش مواصلات
وفى بنات وستات كبار والله مش بيعرفوا يركبوا

انتا هتقوال مانتا بتركب وتسيبهم

لانى بصيت للى حوايلا لو انا اتنازلت الناس هتدوس اللى يقابلها ومش هامه دى تبقى اخته او امه