أغانى أفراحنا اليومين دول وعجبىىىىىىىىىى

السلام عليكم ورحمة الله وبركاته
أفراحنا اليومين دول بقت حاجة غريبة وتضحك بصحيح
سيبك من الزيطة والدوشة والزغاريد
المشكلة فى الأغانى اللى بيشغلوها
أكيد بتسمعوها مش كدة؟
كل أغانى الأفراح لاتمت بصلة للفرح بأى شكل من الأشكال
كلها أغانى مزعجة وحزينة وكئيبة
وإن كانت فيها شوية مرح وبهجة بتكون برضه غريبة
يعنى بنسمع كتير فى الأفراح أغانى
بتتكلم عن الخضار والفاكهة
زى أغنية العنب والبلح والخيار حتى السمك بيغنوه فى الأفراح
يمكن يكون العريس بياع سمك ولا حاجة
مش عيب الكلام ده
طب أنا راضية ذمتكم
إيه دخل السمك فى الزفاف ؟
سيبك من ده
وندخل على أغنية من نوع تانى وبرضه بتتغنى فى كل الأفراح
معرفش مين اللى بيغنيها
هو مغنى شعبى صوته مزعج كدة
بيقول إيه فى غنوته دى؟
بيقول وبيتكلم عن واحد كان ضل طريقه وعرف طريق الكيف والقمار
وبعدين ربنا تاب عليه
طب كويس والله
أغنية هادفة
بس مال ده ومال الفرح
ماله ومال العريس والعروسة
حاجة تجنن وحياة ربنا
وتلاقى البنات هايصة وصوتها ملعلع وبتردد معاه كلمات الأغنية الغريبة دى
وغيرها وغيرها
أغانى لاحصر لها على الساحة الغنائية
أصوات مزعجة وخلاص
ونيجى بقى لسعد الصغير وعماد بعرور
هما دول الوحيدين اللى أعرف أساميهم ومعاهم واحد تالت كدة إسمه أسامة معرفش إيه
ده بقى بيغنى ويقول
حاجة كدة
(إعتبره قلب وراح ومعرفش إيه قصر وإتهد ع اللى بانيه)
برضه دخله إيه ده فى إتنين داخلين على حياة زوجية المفروض فيها السعادة
ليه نبتدى معاهم بالكلام اليائس ده
مش حرام بالذمة
ولا حد عنده رأى تانى؟
ياريت تشاركونا آرائكم ياجماعة
وشكرآ جزيلآ
وسلم لى ع العنب
آه نسيت
فيه غنوة تانية بمناسبة الفاكهة
بتقول إيه
البرتقان البرتقان لا عنب بقى ولا رمان
صب صب صب صب
لا عنب ولا كنتالوب
هههههههههههههههههههههه
شفتوا آدى أغانى الأفراح بتاعة اليومين دوووووووول
ومنتظرة آرائكم و مشاركتكم
وسلام ياشباب

عندك حق هى فعلا اغانى ماهاش علاقه بالفراح بس هى دى اللى بتنطط الناس

هو اصلا زمن غريب مش هتيجى على الافراح

كريزى حبى
مشكورة على المرور والرد اللطيف
نورتينى ياكريزى