نكت طحن اضحك للصبح

بسم الله الرحمن الرحيم

النهاردة جايبلكم شوية نكت يا رب تعجبكم

مرة في أمريكي وفرنسي وصيني حبوا يجربوا صدي أصواتهم عند شلالات نياجرا... الأمريكي قال هلوووو الصدى قال: هلوووو وووو ووو الفرنسي قال بونجور، الصدي قال: بونجووور وووور ووور ، الصيني قال شنجا شونج كلمبو الصدي قاله: بتقول ايييه ؟؟!!

مدرس بيشرح لطلابه وكل ما يمسح السبورة الطلاب يقطعوا الورقة

محشش فتح محل سماه ؟؟ بقالة الأقمشة لحلاقة الأحذية الغذائية.

في واحد قصير تزوج قصيرة جابوا ولد قعد على السجادة ودلدل رجليه.

واحد كسلان جداً ...بيقول لصاحبه : مش انا اشتغلت . قال له مبروك اشتغلت فين ؟؟ قال له في مطبعه... اقعد علي الورق علشان ما يطرش

مرة واحد قال لصاحبه النهاردة عيد جوازى ال25 أنا هاودى مراتى الصين صاحبه قالوا فى عيد جوازكوا ال25هتوديها الصين أمال فى ال50 هتعمل أيه قالوا هاروح أجيبها

واحده ست مسكت حرامى فى المطبخ ،فقالت لابنها روح إنده ابوك من على القهوة.... جه ابوه ، ولما فتح المطبخ لقي الحرامي صغيّر فقال له انت اسمك ايه؟ قالوا كريم ،فقعد يضرب فيه لحد ما عجنه .... تاني يوم الست بتفتح باب المطبخ لقيت حرامي قالت لابنها روح يا وله نادي ابوك من على القهوة جه الراجل ولما دخل المطبخ لقي واحد طول بعرض ....... بص لمراته وقال لها امال فين كريم ؟!!!

صرصار ندل عزم 4 اصحابه علي الغدا ولما اتجمعوا كلهم ... شد عليهم السيفوووووون

مرة واحد بيقولوا له .... مراتك ماشيه مع كهربائي المنطقه .... قال لهم ده ولا كهربائي ولا بيفهم حاجه في الكهربه !!!

ولد مغلّب مدرس الجغرافيا معاه ليه؟؟؟؟؟؟؟ عاوز يعرف خط الاستواء ده فودافون ولا موبينيل

واحد غبى جدا فى الجيش ، القائد اداله اغلى قنبلة فى العالم وقال له ارميها على الاعداء من فوق الجبل ، قام الغبي طلع على الجبل ، ولاول مرة فكر وقال القنبلة دى غالية طيب بلدنا اولى ابها ......ورماها على جيشه

اتنين مسلمين محمد و ابراهيم تايهين فى الصحرا وجعانين فجاه لقو كنيسه
ابراهيم قال لمحمد انا هاقول لهم انى اسمى جرجس ومحمد قال له لا يا عم .. انا هاقول اسمى محمد
فسالهم القسيس عن الاسم فقال ابراهيم اسمى جرجس ومحمد قال اسمى محمد
فقال القسيس احضرو الطعام لمحمد وقولو لجرجس نحنو اليوم صائمون

مرة اثنين عندهم كلاب صيد صاحب الكلب الاول أول ما يضرب طلقة من البندقية
يجرى الكلب ويروح يجيب الفريسة
والثانى أول ما يضرب الطلقة كلبه يكّش فنصحة صاحبة انه يروح أفراح في
الارياف، فالكلب هيتعود على صوت البندقية
راح الارياف وفضل يحضر فى افراح لمدة 6 شهور
وبعدين رجع يصطاد، راح ضارب طلقة من البندقية
راح الكلب وقف على رجله وقعد يزغرط

دكتور بيعمل عملية في مخ مريض وطلّع
المخ وحطة في الصينية جنبه
وشغال في الـجـمـجـمـة شوية ودخلت قطة وكلت المخ
الدكتور احتار ملقاش غير جوز الجزمة حطها في الجـمـجـمـة وقفل
وبعد كام سنة ساله واحد زميلة بيقول له اخبار مريضك بتاع الجزمة ايه
رد علية وقال له عقبال املتك دا بقي الوزير بتاعنا

واحد كسلان اتحكم عليه بالإعدام بدفنه في حفره
فقالوا له نفسك في أيه قبل الموت
قال نفسي أشرب قالوا له قوم أشرب
قال لسه حقوم اردم ياجدع

مره واحد تاجر كتاكيت ماشي بالعربيه وفيها كتاكيت وقفته لجنه تموين وقال له
المفتش: الكتاكيت دي بتأكلهم ايه؟ رد عليه وقال له : درة يا بيه..... فقال له
المفتش انتو ما بتفهموش حاجة الكتاكيت دي بتاكل علف........ وراح عمله غرامة
1000 جنيه.... راح مشي التاجر بالعربيه وهو في الطريق وقفته لجنه تموين تاني
وقال له المفتش انت بتأكل الكتاكيت دي ايه قال له بأكلهم علف يا بيه فقال له المفتش انت ايه يا أخي انت ما بتفهمش دي بتاكل درة وعمل له غرامه 1000 جنيه
وبعد شويه وهو ماشي وقفته لجنه تموين تاني وقال له
المفتش انت بتأكل الكتاكيت دي ايه قال له يا بيه انا كل يوم الصبح ادي كل كتكوت جنيه وهو ياكل اللي هو عايزه

تلاته عمالين بيحششوا فى مزرعه فراخ طب عليهم البوليس استخبوا فى تلات شوله جه الظابط شاط الشوال الاول برجله قام الحشاش الاول عمل نفسه بط و قعد يكاكى راح الظابط سابه و راح عالشوال التانى و شاطه قام الحشاش اللى جوه قعد يدن و يقلد صوت الديك الظابط سابه و راح عالشوال التالت برضه شاطه برجله الحشاش التالت متكلمشى..شاطه تانى بس بالجامد برضه متكلمش قعد الظابط يخبط فيه طلعله الحشاش يقوله بطاطس بطاطس انت مبتفهمش

مرة واحد محشش لقي كنز قال: كويس فاضل الخريطة!!

مره اتنين مجانين اتفقوا انهم يهربوا من المستشفى واحد قال للتانى لو لاقينا السور عالى هنهده لو لاقيناه واطى هنط من فوقيه التانى قاله ماشى راحوا مالاقوش سور خالص قالوا يخساره المهمه فشلت

مره قرية كلها أغبيا كان فيها حفره كل يوم واحد يقع فيها عملوا مجلس علشان يشوفوا حل للحفره دي قام واحد وقال يا جماعه احنا نحط عربية اسعاف جنب الحفره علشان المصابين يتنقلوا بسرعه قام التاني قال احنا نبني مستشفى جنب الحفره علشان يتنقلوا أسرع قام التالت قالهم يا جامعه انتوا مغلبين نفسكم ليه احنا نردم الحفرة دي ..ونحفر واحدة تانية جنب المستشفى

واحد راح يشتري عربية .لقى كل العربيات غالية عليه.بعدين لقى عربية قديمة و عليها تراب كتير بس سعرها مناسب.صاحب المحل قال له العربية دي فيها ميزة هايلة.بص كدة ..وقام مسح بإيده التراب اللي عليها قام طلع منها عفريت .قال له :شبيك لبيك تطلب إيه؟ قال له هات شاي للبيه حالاً..في لحظة كانت كباية الشاي قدام الراجل .قام اشترى العربية فوراً و ساقها و طلع بيها على حتة أرض فاضية و قام نزل و مسح التراب اللي علي العربية. قام طلع له العفريت. قاله عايزك تبني لي هنا قصر كبير فيه جنينة و حمام سباحة و ملعب تنس و..... قام العفريت قال حيلك حيلك إنت فهمت غلط .. أنا بجيب شاي و قهوة بس .

مرة واحد قابل واحد اخنف فسالة قالة "انت بتشتغل اية؟" فرد علية الاخنف وقالة "فننان" قالة "يعنى بتغنى" فرد الاخنف "فننان" فرد الاخنف "فننان" قالة الراجل "يعنى اية بتمثل؟" يعنى فرد الاخنف قالة "لا فننان يعنى بحط العيش فى الفن"

احد غبى قوى حكموا عليه بالاعدام.. بعد ما علقوه فى المشنقه قعد يشاور ويخبط بأيده ورجليه ففكروه عاوز يقول حاجه مهمه.. ففكوه ونزلوه بسرعه.... فبص لهم وقال: ياجزم كنت هتخنق

يا ريت كل واحد يدخل يقول رأيه فى النكت

هههههههههههههههههههههههههه

عسل بجد يا حبى
تسلم ايدك يا قمرى

ميرسي يا بلو ويا كريزي يا حبي نورتوني

ولد مغلّب مدرس الجغرافيا معاه ليه؟؟؟؟؟؟؟ عاوز يعرف خط الاستواء ده فودافون ولا موبينيل

هههههههههههههههههههههههههههه


جامده تسلم ايدك



بيقولك مره واحد زماكاوي مراته بتقوله انت مش الراجل الاول في حياتي قالك ياربي هو المركز التاني ورايا ورايا

ميرسي يا مهورة نورت موضوعي والنكتة بتاعتك تحفة بجد مشكور للزيارة والكومنت

ههههههههههه

جامده ربنا ميحرمنا منك

ميرسي للمرور يا ساد برد