الدعاء للريس

انا حبيت انه يكون اول موضوع فى قسم السياسة لعبتنا يكون بالدعاء للريس
هى قديمة بس عاجبانى اوى
وعاوز اقول حاجة اللى يخااااااف يروح وطبعا ان شاء الله هيبقى فيه تغطية سياسية للى بيحصل فى مصر

اللهم ادي الرئيس الزعيم كل اللي نفسه فيه ,عايز مانجة ياخد منجة , عايز فراولة ياخد فراولة ,عايز فلوس ياخد , و هو محتاج فلوس اللهم صلي ع النبي ؟ دة بيركب ببلاش ..
اللهم أكثر من فيتامينات الرئيس , و اديله كباب و كفته زي ما هو عايز .., عايز كباب لوحده ياخد , عايز كفته لوحديها ياخد , عايز مشكل و ماله ..
و اديله سلطات .. اللهم اديلة طحينة .. اللهم أطحن الزعيم القائد
و اديله جرجير .. اللهم جرجره .. اللهم جرجر الزعيم القائد بحق جاه النبي ..
و اديله طرشي .. اللهم اطرشه ..

و ابعد عنه الأمراض المتوطنة .. اللهم قلل من امساكه و أكثر من إسهاله ..
و يخرب بيت اللي بيكرهه
و يخرب بيت اللي بيحبه و هو جواه بيكرهه..
و يخرب بيت اللي بيحبه و هو جواه بيحبه وواحد واقف جنبيه بيكرهه
الزعيم و القائد و الثورة.. يخليهولنا و يخلي كل الزعماء
اللهم اخرب بيتنا احنا يا شيخ ..
اللهم موت الشعوب كلها في يوم واحد عشان الزعماء يرتاحو منهم ..

انما احنا ..
احنا ولاد كلب ,احنا بنضايق الزعماء و بنعكنن عليهم ...هما فاضيين لنا العالم دي

اللهم افقرنا و اغنيهم ..

.. اللهم خد مننا و اغنيهم ..

اللهم (اكشفنا) و غطيهم ..