حكاية لولا مع أطباء الأسنان

آه ياسنانى آه
سنانى بتوجعنى أعنى ياناس
لازم أروح لدكتور سنان يشوفهالى
آآآآآآآآآآآآآآآآآآآآآآآآآآآآآآآآآآآآآآىىىىىىىىىى
ياسنانى
وذهبت لولا إلى عيادة طبيب الأسنان القريبة من منزلهم
وكشف عليها الدكتور
ودفعت فيزيتا أد الداهية طبعآ
وقالها الدكتور آخ
شوفى يابنتى
الألم اللى فى سنانك ده مش هيروح إلا بعمل حشو لسنانك
هتجينى كل تلات أيام أعمل لك الحشو
أوك
ووافقت لولا
وكتب لها الدكتور علاج للإلتهابات وكمان مسكن للآلام
وبعد يومين راحت له تانى
وبدأ يحشى لها سنانها
سنة سنة
سنة سنة
ومرت الأيام وتم حشو كل سنان لولا
وطبعآ دفعت فيزيتا رهيييييييبة
وقالت خلاص بقى
الموضوع إنتهى
ومشكلة سنانى إتحلت
وإذ فجأة وبعد كام شهر بدأ الحشو يقع من سنان لولا
يادى النصيبة
ورجع الألم ييجى لها تانى فى كل سنانها
آآآآآآآآآآآآآآآآآآآآآآآآآآآآآآآآآآآآآآه ياسنانى آآآآآآآآآآآآآآآآآآآىىىىىىى
وقالوا لها
سيبك من الدكتور ده
فيه دكتور تانى
بسم الله ماشاء الله عليه
إيده تتلف فى حرير
وماكدبتش خبر
وراحت للدكتور التانى
وطبعآ دفعت فيزيتا كبيييييييييييييييييييييييييرة
أكتر من الدكتور الأولانى
ياحراااااااااااااااااااااااام
ولما كشف عليها الدكتور
وعرف حكاية الحشو
قالها بغضب
حشو إيه يابنتى
دكتور مين اللى قالك إن سنانك عايزة حشو
لا هى كانت كرنبة ولا إيه
يابنتى
سنانك دى محتاجة علاج عصب
وبدأت لولا فى علاج العصب
يوم ورا يوم
يوم ورا يوم
يوم ورا يوم
وبعد ما خلصت علاج العصب
ودفعت اللى فيه النصيب للدكتور
(بلاش نقول كام عشان العين بس)
إنتوا هتقروا ع الدكتور ولا إيه
ههههههههههههههههه
المهم
مفيش كام شهر
والألم رجع تانى لسنان لولا
وبدأت تصرخ وتتألم جامد
وولاد الحلال دلوها على دكتور تالت
وبدأت رحلة العلاج للمرة التالتة
المرة دى الدكتور قالها
إنتى محتاجة تركيب كوبرى يابنتى
وبدأ الدكتور فى إنشاء الكوبرى
هههههههههههههههههههههههههه
معرفش بقى
كوبرى مشاة ولا كوبرى سيارات
المهم
خلصت لولا تركيب الكوبرى
وقالت خلاص بقى
هرتاح وترتاح سنانى
ويرتاح جيب أبويا كمان
مهو ياعينى أبوها هو اللى بيكع دم قلبه
وشوفوا بقى صرفت مصاريف أد إيه
ولكن الفرحة لم تدم
وعاد الألم إلى سنان لولا
ياقلبى
وبعدين
هتعملى إيه يالولا
راحت لدكتور رابع
وقالها
يابنتى
سنانك دى لازم
وحتمآ
ولابد
تخلعيها كلهاااااااااااااااااااااا
ياللهوووووووووووووول
يالهوووووووى
أخلع سنانى كلها يادكتور
ده أنا لسة فى الربيع الثامن عشر من عمرى
عمر الزهور يادكتور
لسة بقول ياهادى
أخلع سنانى كلها
ياخراشى
وإستسلمت لولا لأوامر البيه الدكتور
وخلعت سنانها سنة سنة سنة سنة
ودفعت اللى فيه القسمة
إهىء إهىء إهىء
(من شر حاسد إذا حسد)
هههههههههههههههههه
مش عايزة أقولكم
إن بابا لولا باع عفش بيته عشان يجيب فلوس تكفى مصاريف الدكاترة
المهم
برضه بعد كام يوم
الألم برضه شغال فى سنان لولا
ههههههههههههههههه
سنان سنان مين
هو عاد ليها سنان
قصدى ألم فى بق لولا
وراحت لدكتور خامس
كشف عليها الدكتور
وقالها
يابنتى
إنتى كل اللى محتاجاه











تركبى طقم سنان جديد
هههههههههههههههههههههههههههههه
شوفتوا بقى
وساعتها عيطت لولا
وقالت له
ياخبر يادكتور
ياريتنى جيت لك من زمان
ماكانش حصل لى اللى حصل ده كله
إنت الوحيد يادكتور اللى عرفت تشخص حالتى
ههههههههههههههههههههههههههههههه
والواضح ياسادة ياكرام إن لولا كان عندها إلتهاب فى اللثة
بس تقولوا إيه فى جشع الدكاترة اللى بيودى فى داهية
وحسبى الله ونعم الوكيل
(دى قصة من خيالى مش حقيقية)
هههههههههههههههههههههههههههه
ويارب تعجبكم
وسلامى لجميع
وإوعى ياكوكى تزعلى منى
ده هزااااااااااااااااار
أووووووووكيشن ياجماعة

هههههههههههههههههههههه

هي كان فاضل فيها سنان لحد ما وصلت للدكتور الخامس

يلا الله يرحمها

هههههههههههههه
دكاترة طابور خامس بقى ياماهر
نورتنى ياحج

هههههههههههههههههههه

جميله يا ماهى تسلمى

يا حبى

شكرآ لمروك ياكريزى ياحبى
نورتينى بجد
وقلبى معاكى فى كرسى الإعتراف
ههههههههههههههههههه