افتكـــــــــــــــــاسات 5

الحلقة دى تشبه الحلقة الاولى فى افتكاسات " يوميات مشرف "

بس دى عن الاعضاء الى مبيعجبهمش العجب ولا الصيام فى رجب


انا لفيت كتير فى المنتديات

و فى كل الاماكن كان دايما بيبقى فى نوعية من الاعضاء ميعجبهاش العجب حقيقي ..

و بنحاول نكون حياديين جدا عشان نقدر نعرف هما ايه اللى يريحهم تلاقى انه مجرد عضو فعلا مفيش حاجة بتريحه بتاتا

و غالبا مبيبقاش مستقصد حد معين وانما بيبقى مش عاجبه اى سلطه فى الموقع و خلاص و لازم يطلع فيها العبر وبس !


فهتلاقى ان مهما كانت نوعية المشرف اللى قصاده برضو بيبقى مفيش اى توائم بينه وبينهم


تعالوا نشوف نماذج كده من المشرفين اللى عدوا عليا و نشوف ممكن تكون ايه مواصفات المشرف اللى يريح العضو ده

مشرف لطيف : انتى كتكوته .. انتى بطوطة

انتى يا اختىىىى عليكي سكر سكر ايه كمالو مواضيعو العسل دى

تثبيتوتا ثبيتاتا ياحلوة انتى يا بطاطا


عضو ميعجبوش العجب : جايب الظرف دي منين


مشرف عنيف : اياك اشوف حرف واحد غلط فى المواضيع تعملولى مراجعة نحوية املائية رباعيه خماسية الدفع و الجذب و الشد و قبل الموضوع ما يتنشر تقدمولى نسخة كروكى منه و عليها امضاء اربعتاشر عضو لا يقل عدد مشاركتهم عن 5000 مشاركة فاليوم

عضو ميعجبوش العجب : يحموك فى كنكه

مشرف روووهيف : من فضلك بلاش تكلم الاعضاء بالشكل ده و ياريت بليز بليز لو تلتزم بكوانين النشر فى الكهوة و بلاش المودوعات المنكوله

عضو ميعجبوش العجب : حوش اللى وقع منك

مشرف روهيف : و الله لا اقول لامى قصدى للادمين .. يا وحش

مشرف بيشرب بايب " كلاسيكي يا ويكي " : فى الواقع البحر فيه قواقع و انه بناءا على ما سبق ارى انه من الواجب المشاركة بفاعلية فى الموضوعات حيث اننا فى ساحة حوار و كما هو معروف انه فى شمال اوروبا والدول المتقدمة ساحات الحوار تفعل الحوار بين الاعضاء دون الانحدار الى سفح الكلمات المهينة و الارتقاء بالروح للوصول الى حقيقة القوقع المتقوقع

عضو ميعجبوش العجب : ادى دقنى اهيه اذا كنت انت فاهم انت بتقول ايه دا ناقله من موقع اراء للبيع
قفص طماطم مفعصه و ارشقه فدماغ البيه يا جابر
قال متقوقع قال

مشرف دماغه كبيرة :طيب احب اقولكم انتو مش هتحسوا بوجودى اصلا وتقدروا تنشروا و تتناقشوا فى كل اللى انتو عاوزينه بمنتهى الحرية اللى متعرفش حد

عضو ميعجبوش العجب : قصدك ايه شايفنا كلااااب بنهوهو و محدش هيرد علينا طب خد فدمااغك طاخ طووووخ دشششششش " الرااابع"


مشرف مبيفوتش موضوع :انا بحب اكون فى كل الموضوعات اهوه يا اخوانى عشان تحسوا انى قريب منكم و عضو زيى زيكم و اتمنى انى اقدر افيدكم و استفاد منكم

عضو ميعجبوش العجب: اييييه ايه تستفددد ايييييه اللى بتقوله ده
انت هتمن علينا بالحرفين اللى بتسيبهم فى كل موضوع و الا ايه و احب اقولك ان مشاركاتك كلها ملهاش معنى و تافهه و كمان ريحة رجليك وحشه وانا ساكتلك م الصبح ابقوا استحموا مليتوا البلد


عضو ميعجبوش العجب : (لو كان لون المشرف اخضر مثلا) يعععععع ملقيوش الا ده ما كانوا جابولنا الرجل الاخضر احسن بقى


عضو ميعجبوش العجب : (لو كان لون المشرف سوبر مثلا)عاوزينه عادة ايه سوبر ده هما مال مناخيرهم فى السما كده ليه


مشرفين متنوعين

عضو ميعجبوش العجب : طويل شويه .. قصير اوى .. عنده فسفوسه بين حواجبه .. صوته مسرسع .. بيشخر و هو نااايم


الموقع بقى دايما حريقه و نارها فى السما فما كان من العضو المحبوب الا انه


يا ساااتر دا الموقع بقى يقرف و كله خناقات و الله منا داخله بعد كده

اما اروح اشوف موقع تانى اخربه براحتى

يا ترى انتوا قابلتوا انواع ايه غير دي ؟؟