يعلن منتدى ماهورة عن رحلة للأماكن اللى فى مصر مشهورة

يعلن منتدى ماهورة عن رحلة إلى أشهر الأماكن السياحية فى مصر وذلك فى الأسبوع الثانى من شهر يوليو القادم بإذن الله تعالى وقيمة الرحلة ألفين جنيه والغداء والعشا على حسابكم أما الفطار بقى فسيبوه علينا يلا هنفطركم وأمرنا لله
أهو يعنى الفطار مش هيكلفنا كتير
حتة جبنة بيضا ورغيف عيش مش حكاية وبعدها كوباية شاى وصاية
هههههههههههههههههههه
وهنزلكم فى أوتيلات 3 نجوم
معلهش بقى
إيه مش عاجبكم مش على أد فلوسكم
ده كرم مننا والله
إنتوا لاقيين حد يفسحكم يعنى
أما عجايب والله
شوفوا بقى نظام الرحلة
ممنوع منعآ باتآ إصطحاب القرايب والأنتيمات والكلام الفارغ ده
واللى مش عاجبه ميطلعش
أنا بقولكم من أولها
وممنوع كمان تجيبوا سندويتشات معاكم فاهميييييييييييييييييين
وأى سندويتشات هتيجى هتتصادر بمعرفة الإدارة(m@hora)
ههههههههههههههههه
هس وطى حسك إنت وهو وهى
خلوا الكلام ده بينى وبينكم
أنا بكلمكم لمصلحتكم
وبعدين يعنى
لما كل واحد ماما تديله سندويتشاته فى إيده
مين اللى هياكل الجبنة اللى إحنا جيبنهالكم؟
تبوظ الجبنة يعنى ولا إيييييييييييييييه
وعلى فكرة
ممنوع كمان تجيبوا معاكوا أى مايوهات
إحنا هنسمح لكم بس تتمشوا على البحر
ده إذا وديناكوا البحر أصلآ يعنى
وطبعآ هتسألونى عن بروجرام الرحلة
أولآ مدة الرحلة 3 أيام بلياليهم
اليوم الأول هنطلع بيكم على البتاعة دى اللى إسمها شرم الشيخ
هنقضى فيها أول يوم وجزء من الليلة
نصيحة للى بيعرف يصطاد يبقى يجيب سنارته معاه
هههههههههههههههههههههههه
أهى تنفع برضه
يمكن الغدا يخسع معانا ولا حاجة
نلاقى لكم كام سمكة كدة تاكلوهم يعنى
وإنتوا عارفين بقى إن الجوع كافر
وبعد كدة هترتاحوا فى النصف الثانى من الليلة
إنتوا بجد تعبتوا أوووووووووووووووووووى
وتقوموا بقى الصبح وده هيكون تانى يوم من الرحلة ونطلع بيكوا على الغردقة
أيوة هو ده الشغل
شفتوا الحلاوة
بذمتكم حد عملها قبل كدة
وهنقضى بقى تانى يوم والنصف الأول من الليلة الثانية بعد الألف
هههههههههههههههههههههههه
سورى قصدى يعنى
هنعمل عمايل بقى فى الغردقة
يااااااااااااااااااااااااااااااااااااه
هنفسحكم فسح إنما إيييييييييييييييييييييه
وطبعآ بعد كتر التعب واللف فى الغردقة
لازم تريحوا لكم أد كام ساعة كدة
ونطلع بقى على آخر مكان فى الرحلة الجميلة الممتعة دى
نطلع على مطروووووووووووووووووح
ويلا عيشوا بقى
هنلف بيكوا التمن بحور هناك
وهنهيصكم بقى
وهنجيب لكم تين وكازوزة وهيصة ع الآخر
وتنتهى كدة الرحلة
ونرجع بيكم على هنا تانى
شفتوا أد إيه الرحلة ممتعة
مفيهاش مايوهات
ولا أنتيمات
ولا وقت حتى للتأمل
ياعم تأمل مين
سيبك
مش شفتوا البحر وخلاص
آل تأمل آل
والله عال
يلااااااااااااااااااااااااااااا
ها مييييين هيشترك معانا فى الرحلة دى؟
الأماكن محدودة
يلا بسرعة
مفيش وقت للتفكير
ومفيش حاجة إسمها ترجع فى كلامك وتلغى إشتراك الرحلة
أدام دفعت يبقى هتطلع يعنى هتطلع
بالذوق بالعافية هتطلع
وإلا تنسى بقى إن فلوسك ترجع لك
يابنى
ده الرحلة دى أساسآ بنعملها كل سنة عشان نهرب بفلوسها برة البلد
هههههههههههههههههههههههه
أمال إنتوا فاكرين إيه
بنعملها عشان خاطر سواد عيونكم
لا والله
ده إنتوا طيبين أووووووى زيادة عن اللزوم
وهذه هى المرة الأولى التى نشترك فيها مع منتدى ماهورة العظيم
وبالمناسبة أحب أقولكم حاجة
لو عايزين يعنى يعنى يعنى
شوية ترفيه كدة
يعنى ممكن نجيب لكم هيفاء وهبى ولا نانسى عجرم ولا إليسا
بس ده هيكلفكم كتييييييييييييييييير خااااااااااالص
شوفوا طلباتكم إيه وإحنا تحت أمركم
والحاضر يعلم الغايب
وآخر موعد للإشتراك
يوم خمسة منه
ومنه ده يعنى
خمسة يوليو
ودفع الإشتراك هيكون عند الأستاذ ظفارة باشا
صاحب أكبر محلات الفسيخ والسردين والملوحة بمدينة وشاطىء ظفارة بيتش
وشكرآ لكم
والسلام عليكم ورحمة الله وبركاااااااااااااااااته
وياريت تشرفونا
هنسعدكم وهتسعدونا

هههههههههههههههههه
ده ايه الرحله الفظيييييييييعه دى

كان على عينى اجى معاكوا

(بس للاسف عندى شويه ظروف(الحمدلله
ده حتى اللى هيروح مش هيتكلف حاجه خالص ولا ساندوتشات ولا انتيمات حتى

والفين جنيه يا بلاش
بصراحه عرض مغرى
هههههههههه

ههههههههههههههههههههه
ميرسيه بنوتة
بس إنتى إيه اللى مسهرك لغاية الساعة دى؟
هههههههههههههههههههه
نورتى ياحوبيكااااااااااااااااااااااااا

شرم الشيخ والغردقه ومطروح في ثلاثه ايام بس ليييييييييييييييييييييييييييه ايه الافتري دة

هههههههههههههههههه
إيه إيه إيه
إفترى ىىىىىىىىىىىىىىىىىىىىىىىى
مااااااااااااشى
إنت بقى مش هتطلع معانا الرحلة دى
هههههههههههههههههههههههههههه
سانكس لمرورك يا فيرست لوووووووووك