الرئيسية
من طرف نــوادر الأطـفـال
(1) الأم : معانا اربع قطع حلاوة وواحد تانى ادانى قطعتين،
يبقى كدا معانا كام قطعة حلاوة ؟
الابن : مش عارف ياماما .. فى المدرسة بيعملولنا العمليات
الحسابية على التفاح والبيض بس
* * *
(2) كان الواد واقف قدام باب بيتهم لما جارتهم جت وسألته:
مامتك موجودة ؟
الطفل : لا ..
الجـارة : هترجع امتى ؟
الطفـل : لحظة أسألهالك !
* * *
(3) الأب : تتوقع نتيجتك الشهر دا تكون إيه ؟
الابن : دا ينوقف على مجهود زميلي اللى كان قاعد قدامى
* * *
(4) المدرسة : "في التليفون" آلـو.
الصوت : هل هذه مدرسة فصل 2/3؟
المدرسة : نعــم .
الصوت : يؤسفني أن أخبرك أن التلميذ محسن عادل مريض ولن
يأتي اليوم إلى المدرسة.
المدرسة : هذا أمر محزن حقاً .. من المتحدث؟
الصوت : أبــي .
* * *
(5) تاهت البنت من امها في السوبر ماركت ولما لقت البنت
نفسها لوحدها وقفت واحد من الزباين وقالت له: من فضلك شفت
أم معاها عربية تسوق ومش معها طفلة تشبهني؟
* * *
(6) قالت الأم لابنها : تعمل إيه لو واحد داس على رجلك
واعتذرلك ؟
الابن : اسامحه يا أمي.
الأم : وإذا أدااك هدية يأكد بيها اعتذاره؟
الابن : أطلب منه يدوس على رجلى التانية !
* * *
(7) الطفل : فاكرة "الفازة الثمينة" اللى كنتى قلقانة عليها دايما
لاتنكسر ؟
الأم : اه فاكراها .
الطفل : خلاص القلق دا انتهى من لحظات.
* * *
(
الأب : أخدتو الضرب في الحساب؟الابن : اه يابابا .. وفي الجغرافيا وفى العربي وفى التاريخ
.............. .
* * *
(9) سأل الأب ابنه : إيه اللى بيعجبك فى المدرسة ؟
الابـن : يوم الجمعة .. وحصة الألعاب .. وإجازة آخر السنة !
* * *
(10) ماما .. احنا رايحين نلعب في الحديقة لعبة النسانيس
والقرود ومحتاجين مساعدتك.
الأم : طب عاوزنّى أعمل إيه ؟
الطفل : حتقومي بدور الحارس اللى هيدينا السوداني والموز.
* * *
(11) قال الطفل لصديقه : انا بابا دايما بيصفر وهو بيشتغل.
الصديق : لازم باباك مرح . ياترى بيشتغل إيه ؟
الابن : شرطي مرور !!
* * *
(12) ابن قال لأبوه :
- ياريتنا يا بابا كنا ساكنين في القطب المتجمد الشمالي..
الأب : ليه ياابني ؟
- الابن : لأن الليل هناك يدوم 6 شهور وبكده أنام فماحدش
هيزعجنى ولا هروح المدرسة إلا بعد 6 شهور.
* * *
(13) الأول : البنت دى تقربلك ؟
الثاني : قرابة بعيدة جداً أنا أصغر إخواتي العشرة وهي أكبرهم
* * *
(14) الطفل لأمه : صحيح يا أمي فى بلادً أهلها ما بيستحموش
إلا مرة واحدة في السنة ؟
الأم : آه مظبوط .
الابن : طب ليه مش ممكن نهاجر هناك ؟
* * *
(15) جرى الابن على أمه وسألها في قلق:
- هوه الحـبر ثمنه غالى يا ماما ؟
- لا لـيـــه ؟
- الحمد
لله أصلى وقعت إزازة الحبر على هدوم بابا !
* * *
(16) رجع الابن من المدرسة وقال لأبوه :
- باباعاوز أروح المستشفى النهاردة.-
ليه يابنى ..خير ؟
- الأستاذ قاللى : لازم تعالج أسلوبك في الكتابة!
* * *
(17) قال الابن لأبوه :
- بابا انت مش قلتلى أنك سقطت مرة في الامتحان، ومع ذلك جدو
ماضربكش وجابلك هدية ؟
- صح يابنى .
- بابا الظاهر أن التاريخ يعيد نفسه .. فين هديتي؟
* * *
(18) الأم : لو جارتنا اديتلك موزة تقولها إيه ؟
الابن : أقوللها قشريهالى من فضلك ياطنط .
* * *
(19) قال الاب لابنه الصغير : أملي أنك تطلع الأول على فصلك
ولو مرة واحدة.
- الابن : أقسم لك يابابا اني طلعت الأول؟-
الأب : امتــى ؟
- الابن : النهاردة .. طلعت أول تلميذ من الفصل لما ضربو
الجرس!
* * *
(20) سألت الأم ابنها الصغير :
- منين اتعلمت الكلام دا يا ولد؟
- من شكسبير يا ماما .
- طب إياك تلعب معاه مرة تانية .
* * *
(21) سأل الأب ابنه :
- نجحت في الامتحان؟
- لا يـا بابا .
أنت مش بتخجل من نفسك أنك تكون دايماً متأخر عن زمايلك ؟
- أنا مش متأخر يا بابا أنا أول الراسبين!
* * *
(22) سأل الأب ابنه : تعرف حروف الهجاء؟
الابـن : طبعـاً يـا بابا.
الأب : طب إيه اللى بعد حرف الألف؟
الابن : بقية الحروف يا بابا !
* * *
(23) سأل الطفل البائع : عندك حلوى وبسكوت وشوكولاته.
البائع : اه .. عندي كل دا .
الطفل : أنت رجل محظوظ .. يابختك !
* * *
(24) الأب .. ليه مش تذاكر عشان تكون الأول على فصلك؟
الابن : لا مش عاوز .. عشان مايحسدنيش بقية الفصل.
* * *
(25) قال التلميذ لأمه في بداية العام الدراسي :
- تصوري يا أمي .. أن المدرسين بيحبوني جداً ؟
عرفت ازاى ؟
- خلوني في نفس الصف اللى كنت فيه السنة اللى فاتت !
* * *
(26) الأب : ليه حطيت قشر الموز في جيب أخوك ياحسن؟
الابن : انت مش قلتلى يابابا ماترميش القشر على الأرض؟!
* * *
(27) الأب : تعرف عملت إيه عصابة الأربعين حرامي بعد
موت علي بابا؟
الابن : أكيد دفنوه يا بابا .
* * *
(28) سألت الطفلة أخوها :
- كام الساعة ؟
- إلا عشرة .
كام إلا عشرة ؟-
مش عارف .. العقرب الصغيّر ضاع !
» سجل دخولك بالصلاة علي النبي صلي الله عليه وسلم
» اهدائى الى........
» فزورة المفتش كرومبو على طريقتى أنا
» ورد لاطيب عضو في المنتدي
» دكتور مصطفى محمود
» شوربة القرع العسلى اللذيذة أوووووووووى
» سؤال وجواب (فتوى شرعية)
» كلمتين ع الماشى 2(زجل بقلم أخويا أيمن)
» "حصريا برنامج mmc tools الجديد لإصلاح كروت الميمورى التالف
» عبر عن حالتك بأغنيه
» يلا الحق بسرعة كيفية الاشتراك في موقع رابيدشير مجانا
» i am back
» قرد موبينيل قرر عدم الرجوع إلى مصر نهائيآ
» هم و احنا